-喂,我吖~嘻嘻
-挂住我吖!?
-唔係播~~~~
-车.
-其实都有D嘅~嘻嘻~喂~我想染浅D头发去吖!
-又搞到成个飞女咁啦!
-你自己咪染到鬼五马六!
-我工作需要之嘛.
-总之我又要做色啦!
-妳想点搞吖?
-无噶,仲未谂倒做咩色.
-同我一样啦!紫啡,几掂噶.
-妖~两个紫啡头,行出街好似pair傻人咁!
-咁朱古力色啦,个摄影师同我讲话几HIT架!
-我想再浅少少喔...
-唔理妳吖,自己搞掂去啦!
-咁好啦!我整完之后再离揾你.
-妳唔好行咁耐吖,岩岩好翻.
-得喇!我都好翻晒咁制啦!医生话可以行街架!
-医生医生,你家阵听医生讲定听妳条仔讲吖?
-听晒你话得未!又话画画,仲讲咁多嘢.
-总之妳自己小心D啦!
-OK~bye bye~
-喂.
-乜?
-咁就bye bye噶喇!
-哦~GGG~
-GG~
自己都觉得有D顶唔顺添...-_-
好彩啊细同奈奈唔係度-_-
一入间Salon就整咗成三个几钟.我就做咗茶色,啊细就电到个头松毛狗咁.不过都几衬佢性格嘅.
当然,最容光焕发嘅梗係奈奈啦~有嗰个叫啊Roy嘅发型师执到个头靓一靓
啊Roy似乎对奈奈真係几有意思,净係睇佢嘅细心程度就知,而奈奈都好似对哩个貌似啊Roy嘅啊Roy几有好感.
我同啊细係一边睇佢两个交换电话就死係度阴阴嘴笑!
不过最开心嘅就梗係下个星期嘅海南岛旅游啦!
话就话学校组织去写生,去到喇喔~仲唔有咁癫玩咁癫~
E+对脚好翻~可以行沙滩~嘻嘻嘻嘻~~~
等我谂定带D咩去先.......
Part41
从第一场电影 到最后一封信
开始你是个姓名 后来你是个背影
从第一个吻 到最后一个眼神
开始我们是秘密 后来却变得透明
像错过的花季 总是来不及去珍惜
又像意外的阵雨 不能承受的轻
但我不要忘记 那样做太刻意
就让当时的惊喜 持续一辈子的心情
我也不说抗拒 那要做痛会更清醒
就把分手的原因 交给注定而非决定
我也不要再见你 我害怕我不能自已
如果当时的心有灵性
就当作 我们爱过的证明
五 年 后......
-诗甜~你执正D嘢未架!我地听日就飞噶喇喔!
-睇吓先...羽绒,护肤露,MP3,....passport,应该齐喇挂~
-哇~老婆吖!咁鬼大袋嘢架!走烂咩!
-哎呀~听讲一日未到下个星期,我都仲未係你老婆噶喔!
-老婆老婆老婆~~~咔咔~~仲有一个星期姐,妳走得去边吖!喂吖,妳执咗D咩咁大袋嘢架!
-差唔多噶喇!我地係移民吖,又唔係去旅游,梗係要执多D嘢过去噶啦!
-其实巴黎嗰边咩都准备好晒啦,我地间新屋都买齐晒嘢喇!最夸张都係妳套婚纱吖!过到去Paris,D婚纱不知靓几多,妳就係要係广州买过去!
-咁人地係中意广州D婚纱吖!而且哩套婚纱係奈奈帮我design噶喔!点同呢~
-得喇得喇~~E+咩都听晒妳话噶啦!
-嘻嘻~係你至好讲吖!係喔~~~你派晒请帖同机票比D广州亲戚朋友未架!
-派晒喇,妳再检查吓有冇嘢带漏好过啦!费事到时係飞机度鬼实咁嘈吖.
-应该冇嘢漏低喇挂...不过好唔舍得广州吖...5555~~~~~
-拿,广州我就带唔到过去噶喇,不过妳嘅幸福呢,我就几时都带住跟住妳嘅.
-囤人你就叻!鬼信你吖!
-唔信妳又笑得咁甜!呵呵呵~~~~~E!老婆,妳唔带E只碟吖?w-inds嗰只<Forever Memories>喔!妳最中意架~
-EEE~~~~只碟唔见咗好耐喇喔!!原来放咗係哩度吖!...Emm...都係唔带喇!D歌我部MP3都有齐晒lu.
-哎?只碟度仲夹咗张相係度噶喔!!E~~~咪我地读书嗰阵去海南岛写生嗰张大合照离嘅!?
-...张相....仲係度啊?
-係吖,妳睇吓,嗰时我地係海边影噶,几开心~~有Baby仔啦,啊细啦,奈奈啦,Eric啦,飞碟啦...仲有Azo啊!
-...係咯......嗰时真係好开心啊.
-嘅然你唔带只碟过巴黎,咁我放翻低佢噶喇!
-...均惟啊!
-Hmm?
-我想听吓首<Forever Memories>吖!!
Deng deng deng ....清脆轻快嘅音乐渐渐响起
我蓦然听住哩段牵引住昨日今朝嘅旋律
-（中译)你还记得吧
在波涛声的包围下
肩并肩地走着
那仿佛还是昨日的事
或许是在逞强吧
直到最后还是展现出笑颜
选择了不同的道路
却还是有余温残留着
两人所度过的每一日
如今已成过往 成为回忆
新的一日又将要开始
比什么都在乎
比谁都还爱着你
想守护着段感情
一直梦想着
即使分开生活
那个瞬间的我俩
永远都会光耀闪亮
照耀着今日
........
听吓听吓,眼角竟然情不自禁咁渗出一滴眼泪
沉睡係心底嘅回忆,哩个时候不断係心中翻腾
我嘅forever memories,将会静静咁躺係广州,留係每一个有过我地笑声嘅角落
和风係耳边滑过,带住初秋微凉嘅气息,就好似...係佢身边嗰种宁静嘅感觉一样.
听日,我就要飞去另一个国度,开始新嘅生活.
唔知哩个时候嘅你又係边呢,Azo...
係哈纳斯湖畔从容咁散住步,係汉城落叶街中望住片片红叶,係马尔代夫水清沙幼嘅海滩边享受最靓嘅清晨,係札幌藻岩山上欣赏缥缈嘅夜景,定係係小樽运河两岸嘅煤气灯下,温柔咁拖住你嘅幸福......
我只係知道,你一定係实现理想嘅旅途中
茶色双眼中闪住最迷人嘅光芒,装满最美丽嘅风景
人嘅一生中,会遇上四个人
第一个係自己
第二个係你最爱嘅人
第三个係最爱你嘅人
第四个係与你共度一生嘅人
然而,同自己共度一生嘅人,往往都唔係自己最爱嘅人...
或者好似好多人所讲咁,得唔倒嘅嘢先係最珍贵嘅....
努力地飞吧...我的天使男......
飞远一点,这才不枉费我在放手时,椎心的痛.
魔鬼和天使,用眼泪和鲜血,演绎着飘泊不定的命运......
Part42
那夜初次见到的 洒落泪水的颜色
令人懊悔般的美丽 无法让眼光移开
最后一句话 尽管说不出口
仍想传达给你一句 谢谢你
然后就向着昨日挥挥手
什么事也没法做
也无法摆脱任性
总是让你困扰 擦肩而过的事也源源不断
回首眺望
只属于两人的历史就在那里
毫不褪色地永远存在着
-哇~~~~~~~~~终于离到海南岛喇~~~哇哇~~~~~好大个沙滩吖~~~好大个海啊~~~~啊细妳睇吓~~
-哇哇哇~~~~~~真係好大个海吖~~~~好大阵海风吖!!!
经过几个钟头嘅机程,虽然我地有D攰,不过係酒店间房望见正到呕电嘅海景,我同啊细就即刻掟低D嘢跑咗出离
眼前係茫茫大海嘅无垠同宽广
深蓝嘅海面上散落住几座小岛屿
哗啦哗啦嘅白色浪潮簇拥上岸,然后又匆匆退去,裸露一片苍白
蓝天白云係头顶无限延展
夏日嘅阳光热烈咁照住每一个係沙滩上玩得兴高采烈嘅游人
-555~~~~~边个!边个!?
突然间有人Umm住我对眼!
我摸吓Umm住我对眼嘅手,瘦瘦地,D手指好长嘅,仲唔係...
-安祖凝!!!
-超~都唔好玩嘅!!
Azo"咩咩"嘴咁笑咗一声,佢着住好鲜色嘅橙Tee,白色嘅沙滩裤,casual到飞起,望落同热闹嘅沙滩好衬
-你又话训觉嘅!做咩走咗出沙滩?
-本来想训架,点知拉窗帘嗰时见倒有个傻婆係沙滩大叫喔.
-再乱Up嘢掟你落海啊拿!!
-唔知边个唔识游水呢!仲咁大口气!
-车~~边个话去沙滩一定要游水架!我E+就同啊细去打排球!啊细~我地翻房换套"战衣"（其实姐係泳衣)出离!
-妳地拍外景啊!
-拍咩外景吖?
-人妖打排球咯!
-妖~~~~~~奈奈!妳睇吓佢!话我地人妖喔!!
-（奈)妳自己教吓妳条仔好过啦!
-（Azo)啊细,叫埋Baby仔出离,我地一齐打排球啦!
-（ME)哎呀~~~~~自己又咪人妖!
-（Azo)傻婆!转话题啦,仲讲!过去揾翻个靓场啦我地!
-嘻嘻~~好吖好吖~~~咪住!差D唔记得添~~~~~`要去换战衣啊我!
-咩战衣吖,打仗啊?
-No啦!係专登为今次旅游买嘅泳衣~~~`呵呵呵~~~你同Baby仔揾场先!!啊细~~我地翻去换衫咯!
讲完,我就拉住啊细好兴奋咁跑翻酒店
听到Azo係后面大嗌
-喂衰婆~~~~~~~唔好着咁SEXY啊~~~~~~~~!!!
-----------------------------------------
我嘅泳衣上身係白边柠檬黄色嘅Bikini,下身係宝蓝色嘅短裤仔,而啊细嗰套就係桃红色好可爱嘅两件装.
-（Baby仔)哇~哈哈哈哈~~~~~Azo你同诗甜做咩扮晒生果咁!一只橙一只柠檬!
-（啊细)係喔~~~~哈哈~~妳两个做乜咁colorful啊?
-（Azo)你只死仔咪红到成只苹果咁!
-（ME)妳只死婆就成只士多啤梨咁吖!Azo又似橙!你地帮TWINS拍MTV啦~~士多啤梨苹果橙~~~啊哈哈哈
-（Azo)秦诗甜!好好笑咩!我都未话妳,着到咁样,好彩我落咗离乍.如果唔係妳比人溶咗都唔知咩事啊!
-（ME)有咩问题姐!去沙滩玩係咁噶啦!
-（Azo)妳睇吓有边个好似妳咁上身着件Bra架!
-（ME)喂~我已经比面你着咗半套Bikini乍喔!下身都係着裤仔乍!
-（Azo)总之一阵打波嗰阵妳咪同我咁博,等我去接就得喇!
-（ME)好吖好吖!我开波,你就负责扣球!好嘢吖~~~~~~~EE~~你两个做乜咁嘅表情吖?
-（B&细)玩得未吖......睇梗你地做show啊...
----------------------
-（ME)哇~~~~~Azo!!嗰边吖!!快D救波啦!
Azo一个飞身扑前去,铲係沙滩面,用对手顶翻个排球过去
-（Azo)顶~~~诗甜妳咪嘈生晒啦!好难接架,妳净係开波梗係轻松啦!
-（ME)咁我又去接波咯!!
-（Azo)咪喇咪喇!妳咪扑离扑去吖!
-（细)Baby仔!!你睇吓Azo几紧啊诗,做咩你唔叫我冇咁搏架!
-（B)Hey~~有我係度洗咩惊吖!边个敢望妳,我眼都打爆佢吖!
-（ME)我开波啦!睇嘢喇~~~~~~~
我一手抛高个排球,然后另一只手大力拍出去
点知....我一向D眼界同方向感都唔多好,个排球偏晒位,碌咗去个网嘅左边
我拿拿声跑去执番个波
当我跑到去前面嘅时候,已经有人弯低腰执咗个排球
原来係邢均惟
佢着住粉蓝间白嘅Tee,带咗顶白色沙滩帽,一手拿住个排球,有D意外咁望住跑咗上离嘅我
佢隔离仲有几个我地学校嘅男仔,其中一个係我地上次艺术节一齐跳舞嘅Eric师兄
Eric见倒我,就口花花咁开玩笑
-WoO~~~~仲以为嚟到E度都有女咁索添~原来係自己柚离嘅!!
-（ME)师兄,着晒花衫咁风骚,离沟女吖!
Eric着住嗰D好有沙滩FEEL嘅花恤,个头GEL到成支火箭咁
-（Eric)你条仔栋咗係度,有鬼女"喉"我咩.
Eric讲嘢好似有D火药味,佢地隔离嗰几个男都係度笑.
唔通係因为Azo,我,同均惟之间嘅事,搞到佢地两班人唔岩.
Azo见倒我係哩边执球执咗咁耐都唔翻过去,就跑咗过离
-啊Sea,咩事吖?
-冇吖,见倒师兄佢地之嘛.
-（Eric)咁岩吖~~Azo!
Azo随便笑咗笑
-（Eric)E?两pair人打排球吖?
-（Azo)Emm,有兴趣咪一齐咯.
-（Eric)一齐!?我地仲谂住踩场噶喔.
Eric好似有心挑衅Azo咁嘅...而均惟就一直目无表情咁企係度
Azo听倒Eric咁讲,眼神中闪出颇串嘅目光
-（ME)喂师兄~~咪鬼玩啦!你地係咪想打排球姐,我地都谂住去透吓,你地玩咯.
-（Eric)讲吓姐,波就唔想打喇!不过想同妳条仔"链"两转姐!
-（Azo)点链法啊?
-（Eric)嗰边有得玩水上电单车啊,有埋赛道,绕过嗰D浮标,最快翻到终点就算赢.
-唔係挂~~~~~Eric~几时咁识开玩笑啊!!
哩个时候,后面又传离一把有火药味嘅声,原来係Azo嗰班F,讲嘢嗰个係Azo最死党嗰个---飞碟.
两班人对住企係沙滩一角,气氛僵持住,咁嘅阵势好似想开片咁
-（Eric)乜咁大棚人吖!岩晒啦~有嘢睇
-（飞)挑~~你唔係话你同Azo链啊哇?Azo手车你见过未吖!
-（Eric)洗能咁大口气啊家阵!我冇话我同佢链喔!係邢均惟同Azo链姐~
-（飞)咁你讲咁多托咩!睇嘢係啦.
-（ME)咩吖!Azo有话同你地链咩!
-（飞)啊嫂,妳咪睇吓妳老公仔有几强咯!
-（ME)Azo,你识揸嗰D两个碌嘅跑车噶咩!?
-（Azo)过得去啦.
-（ME)咁咪係咯!更何况E+揸嗰D水上电单车!好危险家嘛!
Azo好轻松咁笑咗声,同均惟话
-係咪链啊?过去啦.
然后两个人一前一后咁行咗去出租水上电单车嗰间嘢嗰边
-喂啊~~~安祖凝!!你死咗我唔鬼理你架!!喂~~~~~~
Azo净係另后离嘻皮笑脸咁望吓我,然后又继续行前去
飞碟拍拍我膊头话,
-妳定啦.Azo手车掂到甩颈啊!
-我都未见过佢揸车嘅!佢边识架姐!你有冇见过均惟手车就真啊!
-妳咪帮住人地先得架!邢均惟手车我见得多啦,以前係麓景路,Azo同佢链车链到出晒名.
-唔係挂?Azo都有?
-Azo嗰D係丧快丧激,佢地链车係玩速度姐,唔会拿命搏嘅.加上自从佢地中间有个F链车链断咗只手之后,Azo就冇掂过车喇!
-哇~~~~~~你安慰我定吓我啊!链断手咁严重!!
-意外离姐.不过Azo对手都係用哩画画好D嘅!!放心喔~~~揸水上电单车同揸跑车差唔多噶姐,冇事嘅.
-係姐,无端白事斗乜鬼吖!
-小姐,妳真唔知定假唔知吖!佢地两个链车仲唔係因为妳啊!
-关我能事啊?
-Azo係咪你条仔啊!邢均惟係咪妳过去式啊!佢地做乜无端端要斗啊!咁都唔明.
-吓...咁姐係...顶~~~~~唔好咁老土啦!!
-喂~睇吓妳老公!!
-哇~~~~型到Dum一声啊....
Azo唔知几时戴咗副超,虽然都係着住沙滩装,不过坐係部水上电单车度,
WU低身,戴住黑色皮手套嘅双手握住两边嘅加油器,显得特别Man
而均惟都係好认真咁,双眼望住前面闪梗嘅预备灯
3,2,1,GO!!!
两部车一支箭咁飙咗出去,划过嘅水面激起一条雪白嘅水花
-WOo woO~~好耐都未见过佢两兄弟一齐链车喇!!
隔离嘅飞碟异常兴奋咁係度嗌
係终点处,Azo班F同均惟班F企开两边,猛係度起哄,嗌加油嗌到好似闹交咁
第一个浮标,佢地几乎同时闪过
广阔深蓝嘅海面上,炽热阳光下嘅沙滩,似乎所有注意力都集中係佢地两个揸住嘅水上电单车上...
Part43
==============================================
耳边哩首<Forever memories>係五年前去完学校旅游翻离嘅时候,我地经过"音乐无限"嘅时候听倒嘅,
买完只碟之后,我就顺手将旅游时候影嘅相夹咗入去
但係,只CD听咗一次之后就连埋张相一齐唔见咗
我仲发晒烂乍咁话"妖~~失忆啊!!失忆啊!!"
你仲谂咗好耐先搞清楚我讲咩"失忆"
Forever momeries姐係永远嘅回忆,"回忆"唔见咗,仲唔係失忆.
第二日,翻学嘅时候,去到课室门口,你递翻个书包比我.
翻到埋位,打开个书包拿本书出离嘅时候,发现你只衰仔唔知几时买咗只新嘅"4ever"比我
静鸡鸡收埋係我书包度,仲夹咗张纸仔係度,用G嘴笔画咗我地影嘅相出离
当然,只係画成Q版咁样
你画嘅画一直我都好欣赏,简单嘅几笔就将我地每个人嘅特征都画晒出离
同张相影嘅一样,
从左边数过离,第一个係BABY仔,跟住到飞碟,Eric,奈奈,
而我,係企係你同均惟中间嘅
只不过估唔到嘅係过咗咁多年,到我几乎忘记有只咁嘅碟,有张咁嘅相嘅时候
佢自己又走翻出离
张相係保存係"memories"里面嘅,所以佢KEEP得好好
但係回忆又有冇褪色呢?我唔知.
我净係係度谂,E+嘅海南岛,海浪声依然不断回荡,天空依然蓝得透明
咁多年后,景物都冇咩大嘅改变,只係人面全非......
=================================================================================
-Azo!!!加油吖~~~~~~~~开快D吖~~~~!!WoO wOo~~加油~~~!!!
哩把高分贝嘅声,当然唔係我叫噶啦,而係身后边嗰班睇到好兴奋嘅师妹
-（奈)顶班0靓妹唔顺~!鬼实咁嘈!~不过佢地真係斗到好激咁喔!!起晒水花嘅.
-（ME)係咯!!点解咁架!好似离开咗条赛道咁嘅!!
-（飞碟)睇离佢地好似玩大咗,两个都飞咗出赛道咁离链嘅.
沙滩上面越围越多人,好多人比佢地两部水上电单车发出嘅FULL FULL声吸引咗过离
但係我就冇心情好似佢地咁起哄
Azo同均惟唔知做乜越开就离条赛道越远,水花係海面激起一条条痕,佢地两部车嘅影就越离越细
-（ME)喂~~~~~嗰边个救生亭好似开广播警告佢地吖!!!
-（奈)E~係喔!!仲叫佢地即刻开翻入赛道啊!
-（飞)哎~~冇嘢嘅!佢地揸惯车,识得分寸噶喇!
-（奈)但係见佢地好似冇意思开翻埋离咁喔,会唔会出事架!!
-请各位注意,现在测倒有4-5级风力嘅风准备向海滩方向吹离,将会带离巨浪,请係海上进行各种水上活动嘅游客马上上岸.为安全起见,各位尽量唔好靠近海边.请各位注意,巨浪将会係几分钟之后离到,继续进行水上活动係好危险嘅,请各位马上上岸.
救生亭嘅广播不断係度发出警告
-（ME)死喇!!咩巨浪吖!佢地E+究竟开咗去边吖!!点解咁耐都唔翻离架!!成半个钟喇喔!!点算啊E+~~~~~~~~
-（奈)飞碟你条Lan摊又话冇事嘅!!
-（飞)今铺大锅...我都唔知突然间有乜叉巨浪架!佢地开到咁出应该听唔倒广播啊.
-（ME)唔得!!
我跑咗出个海度,D水浸到上膝头,D海风同浪似乎真係越离越大
-安祖凝~~~~~~!!邢均惟~~~~~~!!你地两个快D翻埋岸啊~~~~~~!!喂~~~~~~~~!!!!
-（奈)妳傻咗咩!广播佢地都听唔倒!点会听倒妳嗌啊!
-咁唔係点吖!由得佢地越开越远喇喔!!
-妳唔好咁激动先啦!我地都好紧张架.E+飞碟去咗救生亭揾人帮手噶喇!
过咗一分钟之后,终于隐隐约约听倒有D FULL FULL声越离越近
最后终于有两个身影出现係我视线中
D风吹到佢地D头发飘晒起身,件衫都比S水花溅湿晒
大概离海岸仲有一百米嘅时候,均惟正係度加速前进,
但係Azo身上唔知跌倒D咩出离,距即刻好急咁刹停咗部水上电单车,弯低腰係D海水入面捞离捞去
-Azo,你做乜啊!!快D翻埋离啦!好危险架!!!
Azo见倒我叫佢,鄂高头望咗过离
点知哩个时候,一个足有两米高嘅巨浪一拍拍前去佢度
成个深蓝色嘅海面係度翻涌,沙滩上嘅人见倒个个都发出惊讶嘅叫声
紧接住,又一个巨浪涌过离
等海面稍为平翻少少嘅时候,净係见倒一部翻低咗嘅水上电单车係海面浮吓浮吓
咁Azo呢!!!!!?
-安祖凝!!!~~~~~~~~Azo!!!~~~~~~Azo!!....
然而,任凭我点叫,回应我嘅之后呼呼海风同哗哗咁响嘅海浪声
-收声吖!!係你地整沉Azo架!如果佢有咩事我唔会放过你地架!!!
我竟然癫咗咁係度闹D风声同浪声.
本来我係好中意海噶!点知佢竟然欺负我最中意嘅人!
我越跑越出,D海水已经浸到上心口,其他人见倒死係度叫我翻埋去
前面好似突然有D嘢係海面浮咗起身,有人游梗过离
係Azo啊!!!真係Azo啊!!!
佢冇事吖~~~~~~~~~!!!
Azo游到我身边,对眼同个鼻都比D海水瘌到红晒,头发不断滴住水
-妳傻咗咩!唔识游水走到咁出做乜啊!
-你就傻啊!!你知唔知人担心架!走去链车又唔听我讲,你知唔知岩先你迟D翻离就比D浪冲走架喇!
-我E+咪係度咯!
-睇吓你湿到~~岩先明明就离翻到埋岸噶喇,又唔知係个海度捞D乜,搞到E+咁样!
-讲起就激气!本来我同均惟斗快开去个岛度,开到去知后我地係嗰度倾咗一阵,临走嗰时我见倒沙滩上面有好大个响螺,就谂住执翻离比妳听吓,点知岩先开吓开吓跌咗落个海度,揾唔翻喇...
-安祖凝!!你唔该用个脑谂吓啦!为咗个响螺条命都唔理!
-咁我嗰时冇谂咁多家嘛!个螺真係有好清楚嘅海浪声架!
-你仲讲!!!
-555~~做咩吖,做咩又咁嘅样.乖啦乖啦,E+冇事噶喇.揽揽先喇~~~
-揽你个死人头啊!成街人係个沙滩度望梗噶!!!
Part44
漫长夏季无声告别去 影像记忆却伴随
海边与他 愉快的似孩童闹笑
去用细沙建起堡垒
为何无法让美景暂停
为何无法避免掉眼泪
曾共有的快乐 纯真感觉
瞬间竟冲散于人潮里
放手的一刹 海都哭了
回荡潮浪声当中告吹
那天他跟我花光心血气力的
原来是个沙造的堡垒
连同梦也洗刷得粉碎
回头没法找半点根据
-啊细~~帮我递条毛巾离吖!!
-拿~毛巾吖!喂~搞掂未啊妳,冲凉冲成个钟架!
-有冇咁耐啊~我仲係度计梗今次快过平时几多添!妳知啦~係酒店通常都冇係屋K咁自在...
-係吖,听Baby仔讲,话Azo同邢均惟冇事喇喔!
-真嘅~~~~~!!?係咪架~几时嘅事吖!?
-咪今日下昼佢地两个出海链车嗰时咯!翻到离之后邢均惟就同D F讲话以后妳同Azo都係佢朋友,叫D人唔好比面色你地睇喔.
-......咁妳知唔知佢同Azo发生过D咩事吖?
-唔知喔咁又!喂~~~~妳冲快D啦!今晚我同Baby仔佢地去附近D场度WET啊~
-服得妳交关~离到E度旅游都挂住蒲夜场~都唔方好玩啦!
-咁讲妳姐係唔去噶啦!
-妳都知我冇去好耐噶啦!
==============================================
-均惟吖.
-Hmm hmm?
-你记唔记得五年前我地影哩张相嗰时呢,你咪同Azo去咗链水上电单车嘅!
-係咩...哦~!!好似有D咁嘅事!
-Er...姐係,你地嗰时点解去咗咁耐都唔翻埋岸嘅?
-哇~~~~~~~咁耐嘅嘢我边度记得吖!妳问离做咩啊.
-冇吖~~咁我地听日都飞喇,梗係想缅怀吓D旧事噶啦!
-唔...咁就要谂吓先喇......哦哦~~係啊,嗰阵我同Azo话斗快开去一个岛度,古唔到佢冇玩车咁耐都快过我.
后离我地坐咗係个沙滩度倾咗一阵咁咯.
-咁倾咗D咩吖?
-咪妳咯!
-又关我事?
-最记得佢讲过话,我地两个几唔妥大家都好,都唔好係妳面前做出离,话妳会唔开心喔.
嗰时只衰仔以为我好嬲佢架,后未我就话如果佢好好对妳嘅话,我三个就以后都係好朋友咯.
-哦哦...原来咁嘅.过咗咁耐再讲翻以前D嘢有D好怪嘅感觉啊呵?
-都唔係吖,咩都过咗去啦!之不过如果唔係发生咁多事,佢E+都应该同咗妳一齐喇.
-你谂咗去边吖.
-冇嘢喔~~~~!我係觉得有时D缘分好奇妙之嘛!谂翻起以前嘅嘢就好係寻日发生咁样.
===========================================
铃铃铃....
-（ME)喂S婆~睇吓边个离嘅!
.......
-（细)妳条仔揾妳啊!
我拿拿声着翻件衫,係浴室冲咗出离
-（ME)E+呢~~~!!?
-（细)哇~~~~咩叫有异性冇人性吖~岩先我催咗妳几廿次又唔见妳咁快弹出离!你honey係门口啊.
-（ME)嘻嘻~~~我走先啦~BYE BYE~~
-（细)走啦走啦~最好今晚冇翻!
-（ME)妳方妳今晚会翻啊!
-（Azo)冲完凉喇?行啦~!
-去边吖?
-去到咪知咯!
讲完,Azo就拖住我行喇,不过行咗几步
-咪住,妳翻转头拿多件衫着先.
-点解吖?
-梗係啦~夜妈妈着件背心,冻家嘛!
-咁你自己又着背心!
-点同呢!我男仔离家嘛!快啦~~
唔知係咪因为Azo大我三年呢,同佢一齐嘅时候,佢成日都会咁样关心住我
好似着多几件衫吖,唔好食D煎炸嘢吖,夜晚要早D训吖咁样...
慢慢咁,我习惯咗比佢咁样照顾,所以从来都冇谂过
如果有一日,佢唔係我身边,冇咗哩D声音无时无刻咁提醒住我,我会点样......
我地係夜晚嘅沙滩漫步,大家都冇出一句声,
但係拖住Azo又大又暖嘅手,感觉到佢係我身边,我就觉得幸福到漏.
时不时我会抬头望吓佢嘅侧面,有一种艺术家嘅气息,嘴角挂住一丝悠闲嘅笑容.
佢一路行,D风就一路吹到佢D头发飘飘吓,仲将佢身上嘅沐浴露嘅香味吹到我身边.
海滩嘅夜空有好多星星吖,密密麻麻咁睇得好清楚,靓到好似发梗梦一样
湿润嘅海风带住一叠一叠嘅浪係海滩上又涨又退
夜晚嘅海蓝得深沉,墨蓝墨蓝咁,令到白色嘅水花更加清晰,佢地拍打住海边嘅礁石.
-妳企係度等阵先?
-你做乜吖?
-等阵先啦~~好快!!
讲完Azo就跑咗去前面嗰旧礁石后面,唔知搞咗D乜,然后翻过离拖住我跑咗过去.
哇.....好靓吖...
佢係度砌咗一座沙堡垒,比好多支蜡烛包围住,沙堡垒上面装饰住D洁白嘅贝壳,
前面就插咗好多野花,好似个花园仔咁
成座嘢睇上去就好似一座城堡咁
蜡烛跳动住令人感动嘅光芒,我仲係有D唔敢相信咁企係度发呆
-Happy birthday!!
-吓!?
-妳生日吖傻猪!
-今日我生日咩!!?
-E+岩岩到十二点!18岁喇~大个囡噶喇!
-乜真係我生日咩!
因为以前嘅生日我老豆老母循例唔係我身边,通常我都係好似平常咁同D F晚晚出去玩
所以生日哩样嘢对我离讲好模糊
-妳数吓E度有几支蜡烛!
-1,2,3...16,17,18.十八支咯~EE~~~今日係七月十五号~好似真係我生日喔!
-生日快乐吖~~
-多谢~嘻嘻嘻~~~~~~~
-吹蜡烛啦~~~
-吓~~唔好啦~~咁靓~由得佢係度点啦~我可唔可以许愿架!?
-梗係得啦,不过等阵先~
-点解嘅?
-今晚应该有流星雨吖,而且今日刮过风,会睇得特别清楚噶!!
-哇哇~~~~~~~~~真嘅真嘅!!?
-哈哈哈~~~~~~~~~虽然係真,不过妳都唔洗咁快就望实个天噶,起码仲有一个钟先有得睇.
-咁我地E+有咩做吖!?
-等妳收货咯!
-咩货吖?
-座城堡吖!我砌咗好耐噶喇~~等妳E个公主签收乍!
-嘻嘻嘻~~~~~~~~~好吖好吖~签收签收~~点签吖~?
-ER...係咁二係我面上Dum翻个印咯!
Azo懒得戚咁笑住话
我明知佢讲咩,但係专登用个拳头係佢左边面印咗一吓,笑住话
-拿~~!!劲大个印!!
-啊顶~~~~~~妳......
佢好失望咁讲梗嘅时候,我就"0吉"高脚尖,係佢块面度轻轻锡咗一啖
我DUP低头係度笑,佢就专登装我个样
-怕咩丑姐~又唔係第一次~~~
-边个话我怕丑架!再望一脚西你落海啊拿~
-坐低先啦~~有嘢睇吖~~
-都唔知係咪嘅!!
-妳睇吓嗰边,D蟹仔蟹囡一只只爬梗上岸吖!
-係喔~~~~哇~好可爱吖~~排晒队咁嘅~哈哈哈哈~~
-唔止添吖~佢地有好多屋企係D沙里面架~!!
-你点知架!?
-妳唔信咪挖开离睇吓
-咁D蟹婆蟹公会唔会走出离钳我架!
-唔会嘅,D蟹都冇妳咁霸王
-哎呀~~~信唔信我钳你啊拿!
-拿~比个铲仔妳,挖开哩度睇吓!!
Azo唔知係边度拿咗个玩具铲出离,我就坐係沙滩上面挖咗起身
挖吓挖吓,好似真係挖倒D硬硬地嘅嘢,我即刻成个弹咗后去
-妳做咩吖!?
-好似有只大蟹喔~~~~~
-哈哈哈哈~~~~~哎~~比妳激死,冇蟹架!
Azo继续挖落去,然后係个隆嗰度拿咗个盒出离
-送比妳噶.
-咩离噶?
-开离睇吓!!
-EEE~~~~~~~~係锷喔~不过咁大只嘅!?
-脚锷离家嘛~梗係大啦!
-点解送只脚锷比我嘅!?
-咁妳生日啊嘛!同埋......
-同埋咩吖?
-我听人讲话如果两个人带住同一款脚锷嘅话,下世都可以係埋一齐噶喔...
我E+先留意倒,原来Azo嘅左脚都带住一样嘅脚锷.
我望住佢笑咗笑,有D"论尽"咁将只脚锷套咗上右脚度
-多谢~~我好中意吖~!!
-多谢够噶喇!?
-又要Dum印吖?
-要就梗噶喇~不过今次係咪应该升级呢?
-Why吖?
-咁妳都够18岁啦~我之前唔敢咩妳都係因为妳仲细姐~
-你曳喇!!边个话比你做嗰样嘢架!
-妖~妳谂咗去边啊!我话锡吓嘴仔乍!
-哦哦~~~
死喇...有D唔好意思添......
-点吖喂~~~
-咩点吖....
-比唔比我咩咩妳咯.
-......
-妖~~最憎人咁望住我噶喇!咁串做咩姐妳,眯埋眼啦!
Azo一只手捧住我右边面,一只手揽住我一边膊头.
佢对眼好靓吖,浅茶色~迷死人喇~~~~~~~~唔得唔得~~!!我要矜持D至得!
-唔好郁啦.
距又揽紧咗我
柔软嘅嘴唇终于掂倒我个嘴......
虽然我唔係第一次,不过同佢KISS嘅时候,先至有心跳越离越快嘅感觉
其实我应该一早乖D,将最好嘅嘢留比你...
KISS梗嘅时候,我忍唔住脉麥大咗一只眼装吓佢个霖样,
-啊~~~~~~流星吖!!!
明明仲係度KISS梗,点知比我唔觉意见倒一粒好闪嘅流星係个夜空划过,于是我就好兴奋咁嗌咗出离
Azo梗係好冇瘾啦,佢好无奈咁望住指住个天好开心嘅我.
-小姐...妳做咩中途退场架!
-流星吖!!
-多得粒流星咯...
-喂~咪咁啦~~快D睇吓先啦~~~~`许愿吖!!哇哇~~`又有一粒!!!
基本上接落离我就不断咁指住个天话"哇~~又有一粒",然后就不断咁许愿
Azo坐係一边微笑住望住我
-点吖~许咗咩愿吖~!?
-好多吖~~~不过唔讲比你知!讲咗出离唔灵嘅!!
-咁迷信架!
-你自己够信埋晒咩大家一齐带脚锷,下世就可以一齐咯!
比我咁一讲,Azo有D唔好意思咁OUT OUT头
其实我係因为有咗你先变得迷信
我知你都一样
同埋我嘅第一个愿望就係...<交换温柔>里面嘅一句歌词
"能共你活着别分手"
Azo一日都冇好好咁休息过
先係陪我打排球,然后又走去链车,跟住仲砌埋沙堡垒,E+仲同我睇流星
距终于攰到挨住我膊头训着咗
通常都係女仔挨男仔膊头家嘛...
不过我望住佢训着咗个样,觉得好幸福好幸福......
==================================
我翻入房,小心翼翼咁係个柜度拿咗幅镶係框里面嘅画出离
掀开封住係面嘅布,细细力咁拭去玻璃框上嘅灰尘
哩幅画係你当年送比我嘅
日出嘅时候,我地学校嘅同学係海边写生
望住光辉万仗嘅旭日,我好比心机咁用油画颜料係白色嘅画版上面扫上美丽嘅颜色
我记得我係艺术节,曾经应承过你一齐拿幅画去参展,不过因为我嗰时嘅画太烂,而冇拿到去
于是我好认真咁画咗一幅我心目中嘅海送比你.
我时不时另个头去望吓后边嘅你係度做咩,你DUP低头好认真咁画梗
我做口形话"你画梗乜啊?
你就举高幅画比我睇,嗰时我几乎晕低,你竟然画咗一个画梗画嘅我出离
我地交换咗幅画,你望住我画嘅"海"露出好感动嘅神情,仲话
-以后我见倒幅画就好似见倒妳咁,因为幅画同妳一样,都係叫啊Sea
E+,我送比你嘅画唔知係咪静静咁躺係比你遗忘咗嘅角落
抑或,你都会好似我咁,时不时拿幅画出离睇吓,谂吓我哩个啊Sea
我望住我眼前嘅哩幅画,画中嘅我着住白色嘅背心,同彩色嘅蛋糕裙
坐係海边嘅石头上,捧住画版专注咁画梗画
你画嘅我,头发係飘咗起身嘅,眼中映满太阳金黄嘅光辉
就好似...我地有过嘅一切一切咁,
永远都会光耀闪亮,照耀住今日.....
=======================================
Part45
旁人从不赞同 连情理也不容
连全情投入 伤都不觉痛
如穷追一个梦 谁人如何激进
亦不及我为你那么勇
沿途红灯再红 无人可挡我路
望着是万马千军都直冲
我没有温柔 惟独有这点英勇
我也希望被怜爱
但自愿扮作英雄去保护你
勋章你不留给我 仍然愿意撑下去
傲然笑着为你挡兵器
=======================================
午夜六点几嘅时候,我自己一个人蓦然咁行咗好多地方
夜晚十点,係翻屋企嘅路中,先突然发觉我岩先去嘅所有地方,都係我地以前成日去嘅
中山八路嘅OK便利店同皇后饼店,我地最中意係OK买咗忌廉冰啡之后,就去皇后坐低食蛋糕同饮嘢
荔广嘅SEVEN仔,两个人share一杯思乐冰
二沙岛嘅云影街,吹住凉浸浸嘅风,拖住手漫无目的咁散步
流前嘅机室同寿司店,你带我逃课嘅时候,走去嗰度打机营贴纸相
沿江路,有一次你破例陪我去BABY FACE蒲,凌晨两三点嘅时候,我地挨住长堤嘅围拦,你同微醉嘅我讲咗好多好多心里面嘅话
畔溪酒楼同荔湾湖公园,有日我地两个抽起条筋,六点几走去饮早茶,之后仲行埋公园.后离讲吓讲吓先知道原来我地仲係BB仔嘅时候,我地嘅啊爸啊妈都成日推住BB车,带我地去嗰个公园散步,仲话可能我地两三岁嗰时就已经见过面……
同你一齐虽然唔算好耐,不过几乎大半个广州都行过
去到边都会谂起你,都会谂起当年讲过嘅嘢,做过嘅事,有过嘅笑声同泪水
今日,我一个人行住两个人嘅路
未知道自己面上究竟有几复杂嘅表情
只係清楚感受倒,每谂起我地一齐嗰D甜蜜同幸福嘅场景,心里总係忍唔住笑出嚟
笑完之后,眉间总係隐隐作痛……
爱情对于我离讲,本来就唔係要做D咩轰轰烈烈嘅事
我只係希望同你一齐,过一D好普通嘅日子,行吓街,散吓步,督吓鱼蛋,share一杯嘢饮,间中去吓旅游
好琐碎嘅事情,只要能够同你一齐做,我就已经好满足
然而当时嘅我,或者已经习惯咗嗰一段平静嘅日子,係你身边嘅舒闲
几乎忘记咗自己本身係一条魔鬼鱼
要摆脱颠沛流离嘅命运并唔容易……
==================================
去完旅游翻离嘅一个星期之后嘅一日中午.其他同学都係课室好安静咁午休梗
我同奈奈行咗去洗手间洗面
行过走廊嘅时候,发现有一班好似同Azo同级嘅师兄坐晒係地吓唔知做乜
不过睇离都唔方咩好嘢,大概十个男仔,挨住走廊嘅围墙坐住讲嘢,有几个仲担住口烟添
望真D,好似Eric都係度,佢就係其中一个煲梗烟嘅人
我同奈奈一于好少理,径直行咗过去
行到一半嘅时候,有把几粗嘅声嗌
-企係度!!!
我望过去,係一个几高大嘅,留住平头嘅师兄
-（ME)你叫我地吖!?
我冷冷咁问咗句
-乜E度仲有其他人咩?
-（ME)有~乜你地唔係人嚟噶咩!叫人称呼都冇个,以为你发开口梦添!
-（奈)有嘢就吠啦!阻头阻势!!
-0靓妹!妳地唔好咁能嚣啊吓!
嗰个平头师兄懒有气势咁企起身,恶S能瞪咁瞧住我地
-（奈)凶我地吖你家阵!
-唔关妳事.秦诗甜!妳好嘢啊吓!!
平头师兄咬牙切齿咁同我讲
-（ME) E+边忽踩亲你条尾啊!唔好撩交嗌好喔!
-妳对我契细佬做过D咩妳自己最清楚!!
-咩啊?你契细佬係边个吖?
-妳以前条仔啊!邢均惟啊!!!
-均惟!?佢有咩事啊?!
哩个时候,Eric企咗起身话
-诗甜,妳真唔知定假唔知啊?均惟入咗院啊!!!
------------------------------------------------
医院中……
均惟安静咁躺係白色嘅病床上眯住眼,额头同左手手踭缠住绷带,透明嘅点滴不断输入距嘅静脉中
-（ME)点解会咁架!!!?均惟点解会伤成咁架!!?
-（Eric)妳话呢?除咗妳,仲有嘢可以将佢搞成咁咩!
-我做过D咩吖!我都唔想佢变到咁架!
-前晚我地好似平时咁上白云山链车,佢饮咗好多罐啤酒,Umm Umm寻寻咁叫住妳个名,跟住突然间掟低个罐揸住部车开走咗.我惊佢有事就揸车跟住佢.点知只死开到尽晒,掟弯嘅时候,佢成个飞咗出离撞咗埋灯柱度,D血流到”含含”声……
-唔好再讲喇!我真係唔知佢仲……去旅游嘅时候,佢又话希望我同Azo开开心心嘅………
-佢其实撑得好辛苦架,妳係佢一直以离最中意嘅女仔.睇住妳同其他男一齐,佢冇事就有鬼啦
-（奈)Eric啊,诗甜都唔想hurt倒任何人架!你地个个都觉得好似係佢错晒咁,佢都唔好过架!
-（Eric)我知吖,我冇怪诗甜啊.有时D嘢冇得勉强嘅……不过,希望哩几日妳可以多D上嚟陪吓佢啦.
-嗯……我会噶……
同奈奈探完均惟之后,我心情变得好沉重
均惟伤成咁,我都有不可推卸嘅责任.当时如果我多D为佢着想,唔好咁自私同佢开始
或者今日嘅一切都唔会发生,佢仲好似以前咁自在咁过自己嘅生活
去旅游嘅时候,佢明明仲笑住拍拍我膊头话
-放心喔~我放低咗架喇.最紧要妳同Azo开开心心!我地三个以后都会係死党!
点知转头佢又去劈酒,去飞车飞到休刻
以后我应该点样对佢先可以将伤害减到最低?又或者根本冇哩个可能……
-（奈)诗甜吖,妳仲係度谂梗啊?
-（ME)Emm,我都冇办法唔谂
-其实你地一早就过咗去啦,係均惟放唔低姐.我谂时间可以冲淡一切嘅.
-希望係啦……
-冇咁嘅样啦!均惟佢唔会有事嘅.係呢,咁妳同唔同Azo讲哩件事啊?
-我都烦梗哩样嘢吖,我唔想瞒住佢,但係同佢讲咗佢又会唔开心……E!妳今晚唔係同啊Roy撑台脚噶咩!
-撑鬼咩!寻晚先闹完交离!何况E+妳唔开心,我梗係陪妳噶啦!
-唔洗啦~我冇嘢喔!妳去陪妳条仔啦,小小事嗌咩交吖.
噔噔……噔噔噔噔……噔噔噔…………
E个时候,我同奈奈嘅手机係同一时间响咗
我地行埋一边,各自接自己嘅电话
-喂?Azo吖.
-係边吖衰婆?
-同奈奈係条街度行梗咯
-夜喇,早D翻屋K吖!
-哦.
-做咩好似唔係几开心咁嘅?
-冇啊…
-仲话冇!快D讲,咩事吖?
-我……岩先去咗探……
哩个时候,奈奈突然间垂低咗揸住电话嘅手,瞪大只眼,好似发生咗D重大事咁望住我
-诗甜!!死喇~大佬Miu嗰边出咗事啊!!!
Part46
我地即刻赶到去到佬Miu间bar度,一入到去,我地两个都即时呆咗
本来好别致好整齐嘅酒吧比人搞到乱七八糟,不堪入目
D台台凳凳烂到面目全非,横七竖八咁摊晒係地吓.
酒柜里面嘅酒同杯全部打烂晒,玻璃碎片周围都係,烂酒瓶散发住一阵摄人嘅酒气
墙上面比人喷咗黑色同红色嘅油,画到花哩花碌
挂係墙上嘅装饰同油画同样比人整烂晒
仲有其他音响,玻璃门,灯饰,总之可以破坏嘅嘢都无一幸免
我地仲未搞清楚咩事,只係见倒好地地嘅一间酒吧变成咁,已经觉得好可惜好心痛
啊细同baby仔,Franky,仲有六七个以前跟大佬Miu出离行嘅大家姐同大佬都企晒係度
有D企住係度翘住手望住眼前嘅嘢不断摇头,有D担住口烟好激气咁,有D就係咁打电话周围通知D兄弟出咗事
大佬Miu挨住酒柜坐咗係地吓,颓废咁望住比人扫场之后嘅bar,眼神中除咗绝望,仲有怒火燃烧梗
佢放低以前嘅十几个堂口,舍弃咗成千人嘅大佬地位,一心一意经营一间bar仔,谂住过D平静D嘅生活
点知唔知边条蛋散係都唔放过佢,係要搞到间酒吧烂到无法修补为止
大佬Miu嘅心情我地可以理解,但边一个都唔可以体会倒,
当时佢一手一脚布置起离嘅心血,係瞬间变成泡沫……佢愤怒嘅程度可想而知.
-家阵金鹰条扑街老凸啊!!咁够僵走离搞大佬Miu个场!顶佢个肺!!!
Wilson哥好大力咁拍张抬,好激动咁讲
自从大佬Miu解散咗班兄弟之后,Wilson哥同几个大佬一齐打自己嘅”世界”
古唔倒大佬Miu一出事之后,佢地就即刻带晒D兄弟翻离帮手
原来E单嘢係金鹰嗰件贱种做嘅!!金鹰係大佬Miu仲係出离行嘅时候,只不过係一只微不足道嘅坑渠老鼠
卑鄙小家,专做埋晒D阴阴湿湿嘅嘢,冇料学人扮大佬
以前佢一听到大佬Miu个名,即时Lan尸咁Lan开九条街,家阵听讲佢跟咗Toxic之后,就借佢个名出离为非作歹
佢已经离过几次话要收大佬Miu保护费,大佬Miu梗係冇放佢係眼内啦
但係为咗间酒吧,都要叫声佢”金鹰哥”请佢饮支酒,担支学茄咁
金鹰见倒大佬Miu好似冇佢乎,就越离越肆无忌惮,今次竟然够胆离扫场!!
我慢慢行过去酒柜嗰边,”哞”係大佬Miu隔离,轻声咁问
-大佬~~你点啊?
其实我哩句话都多余,大佬Miu恐怖嘅眼神已经话比所有人知,佢E+係咩感受同埋下一步要做D咩
我谂唔倒一句话可以安慰倒佢,唔通话”算啦~唔烂都烂成咁咯”
哩个”算”字我真係讲唔出口,比着係我都吞唔落哩啖气.何况大佬Miu嘅性格係我地咁多个中最躁最暴烈嘅.
大佬Miu突然执起身边嘅一个酒瓶,用力咁摔落地吓
----+-PANG--+----
连我都震咗一震,望住係地吓蔓延开去嘅血红色嘅酒
再望吓大佬Miu住烂咗嘅酒瓶头,不断震梗嘅手,同埋颈上,额头上嘅青筋
从来都未见过咁可怕嘅大佬Miu,我突然心寒起离,
一方面我恨不得一脚撑S只冚家铲金鹰,另一方面我又好惊大佬Miu做出D冇得翻转头嘅事……
-从E+开始,我重新执掌翻以前十二个堂口,Wilson!帮我叫齐晒D兄弟离!!
唔知过咗几耐,大佬Miu企起身宣布佢要＂重出江湖＂
其实哩个都係我地意料中事,虽然我知我同奈奈,啊细佢地都唔想大佬行翻旧路
不过哩个时候边个都唔敢出声,因为清楚知道大佬唔会听任何人讲,所以我地都冇出声嘅余地
嘅然大佬Miu重出江湖,姐係表明我地几个由细跟到佢大嘅契细佬妹再次蹋上腥风血雨嘅路
係以前,或者哩条路仲未有腥风血雨咁夸张,不过E个时候,我有预感以后嘅路将会更加难行
大佬Miu马上就开始吩咐我地睇边个场,收边个场,扫边个场咁……
我企係度,觉得自己嘅双脚同双手开始发冻,大佬Miu讲咩我都好似听唔入
以前无论係去劈柚,去收数,去踩场,我都唔会咁样
E+我有太多嘅顾虑,而且所有嘅顾虑都係因Azo而起
“应承我吖,以后唔好再出离玩,唔好再做D伤害自己嘅事…”
“我中意E+妳咁样,同一般嘅女仔一样乖乖地……”
“如果妳以后都听听话话,唔去打交唔去蒲夜场嘅话呢,今年嘅圣诞节我就同妳去睇雪景啦”
……
Azo讲过嘅话不断係我耳边响起,佢当时充满期待同信任嘅眼神令到我觉得好内疚.
但另一方面,大佬Miu对我嘅恩德我都唔可以忘记,佢救过我几多次,帮过我几多锅,我永远都会铭记于心
可以讲,我条命都係佢执翻离嘅.如果唔係佢,我一早就瓜咗柴,边可以识倒Azo,有过一段咁幸福嘅日子
E+大佬Miu有事,我无论如何都一定要撑佢.
-啊sea?诗甜?
-啊吓?点啊?!
-妳做乜有D心不在焉咁嘅?
-我冇啊!大佬,咁我要做D咩啊?
佢望一望我,然后叫其他人出去,跟住叹咗啖气话
-诗甜,大佬知妳E+有条仔要顾住,亦都知妳唔想再踩翻入个囤度.咁多个之中,我最锡就係妳哩个妹,只要妳讲句”唔想”嘅话,大佬唔会勉强妳.
听倒佢哩句话,我心里面就挣扎得更加犀利.只要讲两个字,我就可以离开哩个黑暗血腥嘅圈子,安静咁过D平凡幸福嘅生活.但係!!我可以望住奈奈,啊细佢地係出面有危险都唔理咩,可以明知大佬几艰难咁撑住大局,但自己就理所当然咁拍吓拖翻吓学咩.
如果真係可以咁样做嘅,嗰个已经唔係秦诗甜!!!
Part47
天色变老 雨点空中跳舞 深山谷满布着云雾
天使劝告 如若星夜迷途 小心翻开神秘地图
灰的天没有一朵云 黑的海没碎片星辰
红黄蓝白分不清远近 寻觅了大半生 是我依恋着
深紫色是你的眼神 深刻的是创伤疤痕
芳草已老 四周风急雨躁 褪色鲜花劝我停步
孔雀与燕子亦惊乱迷途 只得知更鸟迷恋飞舞
眼泪也没颜色 试探过月老的约盟 印证过上帝的指纹
平常缘分都不得过问 蚕食了我的心令我痛爱着
-（细)喂~帮吓眼啦,哩件jacket掂唔掂啊?够威无?!
-（奈)哇~~~红色漆皮jacket!?惊死人唔知妳係大家姐咩!
-（细)哎哎~~冇计啦~!如果唔着得串D,点震得住D人吖!!
-（ME)我都係咁谂,都係时候入翻D超长Boot喇!
-（细)哩对啦~~蛇皮,高踭,尖头,最紧要係个筒仲高过膝头,够晒型!!
-（ME)我都睇岩哩对!够晒毒喇吖蛇皮~不过比Azo见倒我着D咁嘅鞋就S!!
-（奈)係喔~~~~~我地三个之中,係妳条仔最纯噶喇!啊细个Baby仔家阵跟埋大佬Miu出翻离行,我嗰个发型师都成日出离蒲噶喇!係Azo成个艺术家咁,嗰种叫做咩唔食烟……
-（细)係不食人间烟火吖!死蠢!!
-（ME)点都好啦~如果比佢知道我出翻离玩,我都唔知点死吖!!
-（细)所以话呢,我地E种女仔简男朋友唔应该简D咁纯架,到时我地死都算啦,累埋条仔就心痛死咯~
-（奈)作死妳咩~讲咁多!诗甜自己有分数噶啦!
-（ME)喂吖~妳地两个今铺一定要帮我吖!!!我唔可以比Azo知道我出离行架!!千祈唔好露出咩破绽吖!!
-（奈)我地帮妳冇问题啊,但係唔知可以瞒得几耐架!
-（细)咪係,特别E+时不时都会收倒任务,一个唔觉意係妳地一齐嗰阵撞正D仇家就水洗都唔清啦!
-（ME)我E+都唔理得咁多噶喇!见步行步啦……
噔噔噔噔……噔噔……
. . . . . .
-（细)喂~有嘢做啊!Baby仔打电话哩话金鹰条女”灰K”落佢地嗰边个K场睇场啊!大佬Miu叫我地去收咗嗰个场去吖!
-（奈)收场!!!?唔係挂!我地以前都未试过收人场噶喔!最多咪踩吓扫吓场,家阵要收啊?有冇问题架!?
-（ME)E+都冇得我地简噶喇!唔谂吓嗰时金鹰点整大佬Miu个场!係时候要帮大佬报仇噶喇.
-（细)相信嗰个灰K都係D杏加橙级人马,我最中意教训D贱精噶喇!
-（奈)诗甜~妳今晚唔係约咗Azo睇电影噶咩?
-（ME)係就係,不过冇办法啦,E+七点几,应该赶得切九点钟嗰场嘅!
============================================
哩几年离,冇你係我身边嘅夜晚,我都会觉得特别冻
一入黑,我望住漆黑深邃嘅夜空,都会谂起嗰一段腥风血雨嘅黑暗日子.
黑夜吞噬整个世界,都逐D逐D吞噬我地之间嘅感情
有你陪住我嘅黑夜,我总係唔舍得训,依隈住你温暖嘅心口,听你係我耳边温柔咁讲
“黑夜只係会笼罩半个地球噶乍,当地球一面进入夜晚嘅时候,另一面就係比初升太阳嘅光辉照住”
你嘅双眼之所以会咁迷人,係咪因为咁样?
你永远都会睇倒事物好嘅同靓嘅一面.
我所活过嘅生命中,大部分都笼罩係黑夜中,所以对于你所讲嘅初升太阳嘅光辉,我只可以充满憧憬
而未敢去奢望到达咁样嘅一边半球
嗰时嘅我并未发觉,原来从我重新承认魔鬼哩个身份嘅嗰一刻开始
我地正慢慢咁各自向住地球嘅两边行梗,分别行向光半球同暗半球
我好想好想进入你嘅世界……
多年后嘅夜晚,依然带住寒意
我冇办法入睡,因为过咗今晚,我就要离开广州
离开见证住我地曾经相爱过嘅地方
即使巴黎嘅夜晚或者会比较灯光璀璨
但我永远都会怀念係E度嘅无数个,寒气蔓延嘅夜晚
===========================================
十分钟后,我觉得自己好似打回原形咁,做翻本身嘅魔鬼鱼
我地三个带住廿几条0靓,凶神恶煞咁走咗上灰K个K场度
嗰间嘢嘅waiter见倒我地一棚人,藤晒鸡咁缩埋一二边,
原来啊细件红色漆皮jacket同我对超长蛇皮高踭尖头boot仲有奈奈副银色超真係有D作用
D人一见倒我地哩身打扮同”凶狠”嘅眼神,都Dup低头让开条路
-叫你老板娘弹出离!
我扯住个waiter,不屑咁嗌咗句
-吓……Er…我地老板娘唔得闲啊……
-唔得闲?（冷笑)咁係咪你离陪我地玩啊吓?
我一脚踢开张凳,随手係Bar台度拿咗支酒抛吓抛吓
-唔…唔好啊.支酒好贵架…
-贵又点吖!
我抛咗支酒比后面嘅啊细,啊细揸住个瓶口摔爆咗支酒
-拿!酒就烂咗喇!係咪要我赔啊家阵?
-对对对唔住……对唔住
斯斯缩缩嘅waiter声都震晒咁,死係係度道歉
-0靓仔,我都唔想为难你嘅~早D叫妳老板娘出离咪好咯~
-咁多位,我地老板娘就係…係入面喇……
个waiter带咗我地去到一间大房度,嗰D好似鬼叫咁嘅歌声係出面都听得一清二楚
係个度门块玻璃望入去,里面D人好似玩到丧晒咁,又HI天又对草
奈奈照旧用只脚撑开咗度门,跟住成房人都静晒望咗过离
其中一个着到好似做”服务性行业”咁嘅女人出声嗌
-靠你它妈的!吵个屁啊!妳们这群是什么人来着!
冇话比我听哩个Lao妹就係灰K啊……
-乜水叫灰K啊!
-嘿~~妳有种喔~直呼我的名字!
-顶妳!乜原来所谓嘅金鹰条女原来係Lao妹离嘅~呵呵呵~
-我劝妳不要这么嚣张!到我灰K的地盘还敢说东说西的!!!
-拜托~妳的国语说得很恶心啊!!
我忍唔住用普通话讲咗句嘢哩弹佢
-妳……!!妳跟哪个的!知不知道这里是谁撑的!!
-你条菜金鹰啊嘛~一早就臭名远播啦!Miu爷妳又听过未啊!
-妳是跟Miu爷的?
-係又点吖!妳冇唔记得几日前妳个金鹰做嘅好事啊!
-那……那妳想干什么!
-两个字:收场!!
-妳们够僵喔,二十几人来这里收场,哦呵呵呵呵~~~
-乜妳认为收妳个场,廿几人仲唔够咩.
讲完,我使咗个眼色,我地班兄弟就开始捣乱,整烂晒间房D嘢
最后,灰K想对我落手嘅时候,我一个反身捉住佢条颈,Gum住佢个头贴係张玻璃茶几度
-吖~灰K啊嘛,妳话妳个头硬定E张玻璃茶几硬啊哪?
-不,不要吖!!饶命吖大姐大……
---------------------------------------------------------------
终于都比我地收咗哩个K场.今次算好好彩,D兄弟都冇咩点伤
而且嗰个灰K都算易对付,之不过后离讲数阻咗D时间
啊!!!死喇~~~~
我差D唔记得约咗Azo九点钟係电影院门口等
望吓个表,E+已经九点四个字,今晕惨喇~~实等到Azo发晒毛!!
我即刻叫人车咗我去电影院
一跑落车,就见倒Azo挨住係电影院隔离复墙度,好心急咁望住只表
-Azo~~~~~~~~~
-诗甜!妳冇事啊嘛?
-Sorry吖,我有D嘢做离迟咗……
见倒Azo望住我哩身打扮,我先突然醒起自己赶唔切换衫,着咗嗰对蛇皮超高筒boot同mini skirt离见佢
我拿拿声好唔自然咁拉低咗条超短裙
-妳做咩着成咁嘅!?仲有岩先车妳离嗰个边个离噶!?
-ER……冇吖,我个F开咗个私人Party啊嘛,咪着得特别D咯,岩先车我离嗰个咪係嗰个F咯!
我讲咗个几牵强嘅大话
-係咩,我都冇听妳讲过话有party开嘅
-有~我有提过架!你自己唔记得咗乍!……er~我地都係快D入去睇电影啦!
-部电影开咗半个几钟喇,冇得入场噶喇
-吓~~~~~~~~Sorry吖,Azo~最衰我啦~电影都睇唔成~
-算啦~我地去食宵夜咯
-好吖好吖~~~去炳胜食刺身~~
-咁行啦~妳冻唔冻吖,条裙短戚戚~
-唔冻~~~冻嘅话你除条裤比我着~!
-哇~~咁我咪要着妳条裙~
-做咩吖,惊着唔落吖~!?
-NO啦~~~我惊我引死D麻甩佬乍~
-哈哈哈哈~~~衰啊你~
我挽住Azo手臂,爹住佢一路行一路讲笑
==========================================
印象中,嗰次係我地最后一次开开心心咁一齐食宵夜,之后因为我出离行嘅事,经常搞到我地嗌交
周不时我地一齐嘅时候,我收到个电话就要即刻走,令到你好唔开心
仲有时放学你离揾我一齐走,我又晨早就逃课走咗
有好多晚,你都话打电话揾我唔倒,问我咩事,我都答唔倒你
你话,我地之间好似唔知係边个时候多咗层隔膜
我笑住话”边有姐”,然后好似平时咁挨住你膊头,但係发觉你块面另咗去另一边
而你都渐渐发觉我越离越唔妥,经常会”无端端”多咗D伤痕
早上同妳翻学嘅时候又乌眉瞌睡,仲有D同学同你讲话係D夜场成日见到我
仲有嘅係我又要抽时间去探均惟,佢因为炒车住咗半个月院
一时间发生太多嘢,均惟入院,大佬Miu重出江湖,我重新做翻所谓嘅大家姐
哩D嘢我只可以自己面对
后离,均惟因为识得D出离玩嘅人,冇几耐就知道咗我出翻离行
无可奈何咁问我以后谂住点算
我话唔知,不过要佢唔好同你讲住先
好多时为咗D好小嘅事,或者我地心情唔好,就会引起我地之间嘅争吵
谂翻起嗰段时间我真係好令你失望
其实,我好惊见倒你失望嘅眼神
所以无论係出面发生D咩事,几辛苦都好,係你身边嘅时候我都会逼自己做翻个普通嘅女仔
唔好比你见到我身上嘅伤口同利器
嗰时嘅我仲天真咁以为,瞒得几时就几时,拖得几耐就几耐
E+都忍唔住问自己一句,”乜真係得咩?!”
Part48
不懂爱恨情愁煎熬的我们
都以为相爱就像风云的善变
相信爱一天 抵过永远
在这一刹那 冻结了时间
不懂怎么表现温柔的我们
还以为殉情只是古老的传言
离愁能有多痛 痛有多浓
当梦被埋在江南烟雨中
心碎了才懂
-Azo不如我地一阵又去督鱼旦咯!
-执咗喇嗰间嘢~!
-吓~~~~执咗!!?几时嘅事啊~
-成半个月喇!都唔知妳点翻学嘅!日日经过都唔知噶咩.
今日好”难得”我终于唔洗早退去做D衰嘢,可以同Azo一齐放学
不过佢唔讲我真係唔知原来我地以前成日去嗰间鱼旦铺原来已经执咗
鬼咩~~我几乎每日下昼都係係后门偷偷地鼠出去,点会留意倒正门有咩唔同咗吖
知道咗嗰间嘢已经唔係度,就好似唔见咗一样以前成日陪住自己嘅嘢咁,硬係少梗D嘢,好唔舒服
-……我冇留意啊嘛.原来已经唔係度喇……
Azo望住面色沉咗落离嘅我,帮我拨开比D风吹到遮住块面嘅头发,然后猪起个嘴,Mic咗吓我块面,话
-冇咁嘅样啦.妳E半个月都好似好唔得闲咁.间嘢执嘅前一日我都揾唔倒妳.
-Sorry吖,我係咪好少时间陪你吖?
-Emm~~妳话呢~!?哈哈,不过哩排我都成日要行show,咁就算啦!
-咁你唔问我做过D咩嚟嘅?
-如果妳想讲嘅实会讲架.而且妳做咩都好啦,我信妳嘅.
-但係……如果…姐係,如果我做咗D唔值得原谅嘅嘢,咁你都仲会信我咩?
-妳……妳出去沟仔!!?
Azo瞪到只眼圆碌碌咁,定咗咁望住我.
我做咗个好无奈嘅表情.
-Mr.Ann,你好好想象力喔…－＿－
-喂,哩句讲真架,无论有咩事都好,唔好唔接我点话吖.我好担心架.
我抬高头望住Azo,佢都好认真咁望住我,然后笑笑咁搭住我膊头话
-行啦~前面新开咗间糖水铺~带妳去试吓!
-Azo……
-Emm?
-对唔住吖,我以后唔会噶喇.
係嗰一刻,我真係好想将所有嘅嘢都讲比佢知,向佢坦白一切
佢咁信我,但係我就瞒住佢咁多嘢.做咁多会令佢失望嘅嘢………
不过谂深一层,我同佢讲咗嘅话有咩用,盏佢为我担心,甚至会叉只脚入离E个混浊嘅世界入面
如果有一样嘢要佢相信嘅就係---我真係身不由己.
Azo见倒我好似读检讨咁嘅样,又露出好温暖嘅笑容,一边行一边揽紧咗我博头
-咁妳听日离唔离睇我比赛吖!?
-比赛!?听日有咩比赛吖?
-啊顶~~~妳真係好似咩都唔知咁噶喔!校运吖!
唉~~~~我E+仲边有心情理学校D嘢吖,出面嗰D嘢已经搞到我头都大埋.
-哦哦~~~係喔~我差D唔记得（係根本唔知)听日係校运添!原来你都有参加吖!哈哈~~~你得唔得噶,睇你个款都唔似PE叻嘅…
-衰婆!咁睇妳条仔啊嘛!…不过你又讲岩咗,唔係我自己话要参加架,係抽签抽中我噶乍!
-哈哈哈~~~你唔去买六合彩!咁你嗰项係咩比赛离噶?
-千五米咯…
-哇~~~~长跑~~~!!阴公咯~好辛苦噶喔!你得唔得噶!
-冇话唔得嘅,不过跑唔惯,要拿奖都有D难.尽力咯.
-啊哈哈哈哈~~~~~~
-妳笑咩吖傻婆.
-我突然间谂起,怪唔知嗰日我同奈奈经过体育室嗰阵见到班师妹拉住个横额写住你个名啦~哈哈哈
-唔係咁夸啊嘛!!
-就係~~!仲要揸晒绳球,神仙棒咁~你死喇你~~~到时佢地咁鬼张扬,你唔赢咪好鱼!
-妖~我唔要佢地吖!我要妳!
WoO~~Woo~~心都甜晒~
-嘻嘻~有咁多人同你打气唔好咩!
-总之我唔理啦~我净係想见倒妳一个乍!
-咁~~我又冇话过我唔离睇你.到时咁多人,你都唔知见唔见倒我啦.
-妳係终点等我啦.我一定会拿个冠军翻离噶.
-----------------------------------------------------
当晚11:00PM…自己嘅D场中
-（Franky)Sea姐~咁迟先离架!岩先有几条粉肠饮醉酒想搞事吖!
-E+嗰几条柚呢.
-E+搞掂咗喇~!好彩得你个F乍!?
-我个F!?
-係吖,岩先听Baby仔叫佢邢均惟嘅!
-均惟!?佢离咗咩?
-佢同班F坐係卡四嗰度咯!我过去舞池嗰边睇吓先~
-Emm,唔该晒~~
均惟点解会离咗我地个场度嘅!?冇理由咁岩得咁乔噶!而且佢仲帮我搞掂咗单嘢添……
我行到过去卡四嗰个位度,同均惟班F打咗声招呼,然后就同佢去咗个静D嘅地方
-（ME)做咩咁望住我嘅?同平时好唔同吖?
均惟干笑咗一声,饮咗啖rum,话
-妳觉得自己E+咁好咩?
-你知我唔想架!
均惟好似有D醉咗咁,係咁点头话
-係,我知,我知.SORRY吖…
-岩先唔该晒吖.
-唔该咩吖?
-Franky同我讲话你帮手搞掂咗几个搞事嘅人咯
-哦~哈哈~咁岩个班人我识之嘛,咪叫佢地比吓面咯!
-点都好啦~你离玩仲要你帮手都唔係几好意思嘅.
-妳一个女仔搞得掂咁多事噶喇?
-都冇咩嘅!都係睇住个场姐,大佬Miu交带咗好多人帮我,所以都…唔会有咩事嘅.
均惟透咗啖大气,用D我睇唔名嘅眼光望住我
噔噔…噔….噔……噔……
-（ME)唔好意思,我有电话入.
-喂?奈奈?……南村嗰个场?……胶飞?乜水离噶!!…………OK~收倒!我E+过离係啦!妳顶住先!
-妳唔得闲吖?
-Er……南村嗰边有D嘢要我过去咯.
-有人搞事啊?
-Er…係吖…
-我同妳过去啦!
-傻啦,唔洗喇!边有理由叫你理E D嘢噶!
-嗰个胶飞我搞得掂喔!
-你识佢噶?
-以前出离玩嗰时同佢地班人开过片咯.
-咁……你知唔知边个照佢噶?
-妳都係等我同妳一齐过去啦!
-咁……
-听日校运,妳都要早D翻去睇Azo噶?千五米朝早九点开始喔.
-你都知……?
-哈哈,妳同Azo都係我死党离家嘛!
-今次麻烦晒你喇!!
估唔到均惟识得咁多人,原来嗰个胶飞当年同佢不打不相识,嗰时佢地好老死嘅
均惟同佢讲话我係佢好朋友,胶飞就好爽快咁话”你嘅朋友姐係我嘅朋友,以后哩个场有咩事即管同我讲!”
（佢好似唔记得一开始係佢自己话要收数…)
凌晨一点几,请胶飞同佢班兄弟饮饱食醉之后,我同均惟准备送佢出门口
点知突然有几个便服啊sir离查牌.仲搜倒胶飞班人身上有刀,又见到我地同佢好似好熟咁,就拉晒我地成班人上差馆落份口供.
唉~~~~~本来好地地落完口供就走得!点知胶飞嗰D大佬格突然爆发,拉住个啊sir係度恐吓,话
“你好快D放咗我同我D朋友!唔係我揾人烧LUM你间差馆!!”
真係多得佢唔少~~~~~~（虽然佢係好有义气…BUT…)咁D差佬就话佢蓄意恐吓,要扣留我地.
-（ME)唔好意思吖~均惟!最衰我叫埋你离帮手啦!搞到连累你饮咗成晚咖啡…都唔知几时先走得噶!
-我冇所谓吖!但係E+就离天光喇!我惊妳赶唔切翻去睇Azo比赛乍!
-（ME)……都冇办法噶喇……
-（胶飞)哎!!你地两个洗A惊D灰佬咩!我个律师E+离梗喇!睇佢一阵点扣留我!唔告到佢甩裤!!
T_T……好一个天不怕地不怕嘅人…
-（ME)啊sir!!唔该你有咩要问快D啦!!我真係好赶时间吖!!!
-（均惟)係咯!唔该你通融吓啦!E+成九点喇!你扣留咗咁耐咩都够啦!!!
-（ME)唔该你吖!!或者你仲有咩要问等下昼我再离比你问到够啦!!
我同均惟鬼咁心急死叫佢快D,但係佢都好似听唔倒咁,扮晒COOL咁DUP低头死写烂写!
等到我发晒猛挣!!
-好喇喔!啊Sir唔係大晒架!我顶你个唔睬人吖!痴能线架你!!
我嬲到一仑嘴咁闹嗰个一碌目咁嘅啊Sir.仲拍晒枱好激动咁样!嗰个啊Sir终于抬高头啤咗我一眼
-0靓妹!我睇妳都係岩岩够秤,学人出离行,死字都唔识写!
-关你叉事咩!总之如果你仲唔放我走,我教你写个死字啊!!
终于体会到胶飞嗰种急躁嘅心情.
………
Part49
一出到差馆,均惟即刻揸车车我翻学校.佢开到尽晒,冲咗几次红灯,避个两次交警查牌,终于破记录咁开咗15分钟,
係九点零七分到咗学校门口.不过另一个难题…
校门口嗰个保安间到我地着成咁,死话我地唔係哩间学校,话我地想入去捣乱,唔肯开门比我地!
-死啦~~~~九点两喇!!点办啊!!!
我急到DUM晒地,一谂到Azo一路跑到索晒气一路等梗我去睇佢嗰个情景,我就恨不得炸烂个门口冲入去支持佢.
-诗甜吖,妳唔好咁啦!calm D啦!
-E+你教我点冷静啊!我应承咗Azo会係终点支持佢架!!佢一个人会跑得好辛苦架!!佢…
我急到眼泪都飙埋出离
-离啊,跟我离E边!
均惟拉住我一路跑一路话
-係侧门爬入去吖!虽然个墙高D,但係一入到去就係运动场噶喇!不过嗰度有D铁支噶喔,妳又着住高踭鞋……
-我唔怕!!最紧要快!!
唔理条裤比D铁支勾烂咗,唔理自己D头发乱到好似癫咗咁,唔理只脚有几痛,只手有几损
一爬咗过去我就即刻跑到去终点嗰度周围望Azo係边
但係……
我发觉千五米嘅比赛已经完咗……拿咗前三名嘅人已经企咗係颁奖台度.但係Azo呢……
佢输咗,一定会好失望.我知佢最失望嘅係从佢一开始跑,直到佢跑完我都冇睇过佢一眼,半句支持都冇…………
我好嬲自己!!明知佢今日有个比赛,寻晚就应该边度都唔好去,之前我已经好少时间陪佢,E+甚至连佢比赛都冇支持佢
但唯一我谂倒嘅就係尽快揾倒佢,睇吓佢跑完长跑有冇唔舒服
-诗甜,Azo係后面吖!
均惟拍咗拍我
我即刻另后去,见倒Azo係佢地班几个同学中间,慢慢咁行梗去休息室,点解佢对脚好似整亲咁样嘅!?
-Azo!!
Azo听倒我把声停低望咗后离.
但係佢D眼神好空洞,好似失晒焦点咁,面色好苍白,佢条颈搭住条墨蓝色毛巾,D汗係咁係佢额头留落离.
佢望咗望咁狼狈嘅我,又望吓隔离嘅均惟,眉头间抽动咗一吓
-你有冇事吖?
我正想跑过去睇吓佢点嘅时候…
佢冇讲一句话,默默咁另翻转头,失望嘅背影继续向前行
我本来可以追上去,不过睇到佢咁冷漠嘅对待,我双脚好似痴咗係地吓咁,一步都行唔郁.
-诗甜!妳E+先离架!!
Baby仔同啊细係操场嗰边跑咗过离
-Azo佢点吖?
-（B)佢拿咗第四咯.可能跑唔惯长跑,对脚抽筋吖!
-（细)啊Sea妳去咗边吖!妳知唔知Azo见唔倒妳冇晒心机吖!佢一个人跑完千五米好辛苦架!妳点可以唔係度噶!
-（均惟)咪係为咗睇住你地嗰几个场!E D嘢迟D先讲啦!E+最紧要睇吓Azo有冇事吖!
-（细)Azo去咗休息室咯!诗甜我陪妳过去吖!
-唔好喇,佢E+根本唔想见倒我!
-冇咁讲啦…
-细,妳陪我去嗰边坐阵啦.
---------------------------
-睇妳~~~条裤勾烂晒,只手又损成咁!做咩搞到咁噶!
-岩先赶翻离嗰时整到噶……细啊,Azo佢係咪好嬲我吖?
-我唔知吖…不过我知道佢跑梗嗰阵一定好想见倒妳.佢一路跑嗰阵根本对眼就周围望妳係边嘅!
-唉!!!我好鬼猛自己啊!!!点算好吖E+!!
-妳唔好咁先啦!不如……妳同佢坦白啦.
-E个时候仲讲咁多嘢比佢听,佢实比我激死啊!!
-我谂,佢可能一早就知道妳出离玩嘅嘢喇.
-吓!!点解咁讲嘅!?
-佢临跑前见妳仲未离,好担心咁叫飞碟打电话比Toxic,叫佢帮手去Laager Club睇吓吖.
-咪我睇嗰个场……!!佢点会知噶!?
-我都唔清楚吖!不过佢如果唔知妳係嗰度睇场,点会叫人去嗰度帮手吖!而且Toxic D 0靓咁多,迟早都知道妳D嘢啦!好可能会讲翻比Azo听噶!
-……咁讲法…佢一早就知嘅话,点解仲话会信我.
-妳最好都係自己同佢讲清楚啦!
--------------------------------------------------------------
嗰日之后,我打咗好多次电话比佢,每次接嘅都係佢D F.佢地话Azo借咗部电话比佢地用.
其实Azo只不过係唔想我揾倒佢.佢仲嬲梗我……
我等佢地上梗课嘅时候,行去佢地课室谂住佢嗰阵一定係度,点知佢个位竟然係空嘅.
一问先知,原来佢已经三日冇翻过学校.
佢”失踪”嘅第五日,我终于忍唔住上佢屋企揾佢.无论佢知道咗咩,或者嬲梗我咩都好…
行到佢屋企楼吓,啊细打咗个电话比我
-喂?
-诗甜!!妳即刻过离Laager Club啊!!
-发生咗咩事吖!?
-大件事过大件事啊!!係妳条仔啊!!
-Azo!!!?佢係Laager!!?佢係嗰度做乜吖!?
-沟女啊!!!!
-5係啊嘛!妳有冇认错人啊!
-我地都好想知佢咩事啊!总之妳即刻过离啦!!
----------------------------------------
………
-Azo呢!!?係边啊佢!?
-（细)坐係中间酒枱搭住条女嗰个咯!!
我一望过去嗰边,见倒有个着住黑色衫,D头发琥珀灰色,Gel到好Punk嘅男坐咗係度,一只手搭住隔离一个好sexy嘅女,一手拿住杯酒.
我皱住眉头透咗啖大气,我唔敢相信哩个係安祖凝,更加唔敢相信佢E+所做梗嘅嘢.
但係哩个人嘅动作,侧面,同我嘅直觉话比我听佢就係Azo…
-（细)其实一开始係度饮酒噶姐,后离个女走过去撩佢,跟住唔之佢做乜就同个女坐埋一齐喇
-（Franky)嗰个女丧架!好似话係空姐离噶,成日离介仔啊哩排!头先仲想队嗰个”Azo”饮林宝坚尼啊!
-（细)我地叫Bartender同佢地讲话今晚冇林宝乍!唔係E+佢地两个都唔知去咗边间Hotel喇!
-（ME)得喇!!Franky,妳帮我揾几个人比D颜色嗰个女人睇吓,唔好搞咁大件事
跟住有几个人叫咗嗰个女人出去.
我坐咗係Azo隔离
-靓仔,请我饮杯嘢吖.
我好心痛咁望住眼前哩个变晒嘅Azo
-好吖,想饮咩吖?
-百利甜吖.甜耶耶几正吖.定抑或,你转咗口味啊?
Azo听到我咁讲,先至另转面离望住我.
-诗甜……
我唔知点解,好冲动咁皱住眉come咗佢一巴
然后就行出间Bar后门,自己Umm住块面係度喊
嗰一巴我唔敢come得好大力,因为唔舍得.
我唔知自己点解会有力打佢,係嬲佢成个人都变晒,嬲佢同第二个女仔咁亲密咁饮酒,定係嬲佢堕落
Azo叫住我个名追咗出离,距见我咁样
成个人沉静咗落离,拿开我Umm住块面嘅手,低声话
-唔好喊啦……
我又用对手Umm翻住块面,喊得更加犀利
佢又再拿开我对手,紧紧咁揸住我对手,话
-唔好喊啦……
佢好温柔咁吻住我眼角嘅泪水…
-点解你要咁……
佢放开咗我,眯住对眼挨咗落墙度
-Azo吖,你唔好吓我啦,我知你已经知道咗……
-……
-我係出翻离行,而且已经做咗好多衰嘢,但係我係身不由己噶.
-诗甜,
-…
-去揾一个可以保护倒妳嘅人啦
-你咁讲咩意思吖?
-我地分手啦!
听倒哩句话係Azo口中讲出离,我就好似比人一刀插咗入心口咁.
刹那间脑里面一片空白,眼前原本已经好暗嘅夜色几乎变得漆黑一片
-你係咪饮醉咗啊?
我拉住佢只手,仲好似听唔明佢嗰句咁简单嘅话咁样
佢係裤袋拿咗D嘢出离,随手抛咗落地下
哐哐哐……哐哐……
嗰个闪住银色光芒嘅圆环係凹凸不平嘅后巷碌到好远
-----係嗰个脚锷,係沙滩佢送咗一只比我,佢自己又有一只.
仲话,如果一对情侣一齐带住一对脚锷,咁佢地就下一世都唔会分开.
望住其中一只碌到咁远嘅脚锷,当晚嘅说话听起离几咁讽刺.
佢望咗我最后一眼,係自己手上轻轻拨开咗我拉住佢嘅手
麻木咁一步步走出条巷仔.
当佢消失係我双眼中嘅时候,我成个人跪咗係地下,已经泣不成声……
Part50
有过的 成绝唱 我仍然妄想
呼喊够响亮 或者再到台上
不信这一段 难道变了 全无安哥的个唱
哪位今晚吻我说场地冷 哪位今晚与我去送玫瑰花
发觉我正红者眼
旧座位没有他 就像盛事未到一次压轴就着了灯
我信你也红着眼
寂寞便在红馆中一起搜索 就趁这分钟够黑
我失恋 会喊
分手后第一日……
係被喔里面度过,昏昏沉沉咁训咗一日,混乱晒所有嘅感觉,冇办法谂一切嘅嘢.夜晚起身望住块镜,肿住对眼问自己:哩个真係我离?
分手后第二日……
病到一塌糊涂,头晕,感冒,呕……哩D係咪所谓嘅恋爱后遗症.
分手后第三日……
一大班朋友上咗离屋K问我咩事.我笑住行咗出屋K,揸咗朋友嘅两个碌跑车去兜风,发现文化公园新起咗部跳楼嘅.玩咗七次,超闷……
分手后第四日……
恋上咗做一样自己以前好鄙视嘅嘢---介手.轻轻将刀片係手腕拉一下,望住鲜红色嘅血慢慢渗出离.唔痛,真係冇感觉…
………………
分手后第十五日……
翻去Laager Club行咗转,发觉冇咗佢之后,自己咩都冇办法做,连透气都觉得好痛.係咁揾酒灌自己,却发现越醉越清醒……
分手后第二十三日……
朝早听讲Azo拖咗佢地级个级花Celia,当晚走咗去劈柚,将所有嘅嘢都发泄係比我打嘅人身上,直至两个最好嘅姊妹Gum住我,陪我一齐喊到天光.
分手后第三十日……
终于知道逃避唔係办法,分手后第一次翻学校,经过扫描室嘅时候,见倒好陌生嘅Azo.佢好似瘦咗D,不过精神唔错,我咬住嘴唇,努力控制自己嘅情绪.
分手后一个月零二日……
今日课间係学校canteen间倒Azo同Celia一齐食雪糕,佢望咗我一眼,然后继续笑住同Celia讲嘢.
…………
--------------------------------------
分手后一个月零十三日……
分手后嘅第N次出去同人打交,结果因为自己太过冲动,搞到班兄弟比人追砍.拖住伤痕累累嘅身体翻到屋K,发觉个厅着住好耐冇开过嘅紫色灯…
唔通有贼仔咁够僵离我屋K偷嘢!我係裤袋拿咗把刀仔出离,一转身嘅时候,有一个好沉重嘅身体坠咗係我身上
-Azo!!!?
-呃…
点解Azo会上咗离我屋K嘅!!?（虽然我地都有对方屋K锁匙)佢仲要饮到咁醉,成身酒味,仲死係度打酒呃
我望住眼前哩个朝思暮想,几乎令我发癫嘅人,佢真係瘦咗好多……我一路咬紧嘴唇,一路拨开佢乱晒嘅头发
-你醉得好犀利吖,我斟杯水比你啊.
点我都会记得我地已经分咗手,所以只係好客气咁讲咗句
-诗甜!!
Azo一拉拉住咗准备行去厨房嘅我,将我Gum实係墙度,佢条利係我口里面纠缠住,好似将我成个人都融化咗咁.
佢好攰好攰----哩D係我感受倒嘅,佢成个身好似冇晒力咁坠係我身上.
唔知过咗几耐,我推开咗佢,细细声话
-我地分咗手噶喇.
佢坐咗係地吓,苦笑住话
-点解妳唔可以好似一般女仔咁?点解要做D会令人担心嘅嘢?我好辛苦啊!我真係好辛苦啊……
-Azo…
-我唔想好似个傻仔咁,晚晚为咗一个打唔通嘅电话训唔着,唔想用酒去停止自己心痛,点解要咁啊妳!!!
-所以你就选择咗离开?如果咁样可以解决一切嘅话,你今日仲上离做乜.
Azo支撑住地吓企咗起身,摇摇摆摆咁向门口行去
-係嘅,我唔应该再上离揾妳……
-我讲个古仔比妳听吖,
Azo企定咗係度
-有一个细路女,佢好细个嗰阵dady mumy就离咗婚.佢地唔肯养佢,于是哩个女仔就寄养咗係佢婆婆屋K.可能因为好细个就冇人锡,所以哩个女仔好怕事,係学校比人虾到周身损晒,都唔咁同人地讲.后离连佢婆婆都过埋身,个女仔觉得自己好似咩都冇晒咁,就开始反抗虾佢嘅人,后离好彩得个所谓嘅大佬帮佢,佢终于都可以企起身.但係,之后佢就踏上咗一条黑暗嘅路.但係个女仔冇后悔到,因为唔係哩个大佬,嗰个女仔係未知道咩叫幸福,咩叫爱之前就死咗喇,亦都遇唔倒一个令佢觉得世界好靓嘅男仔.
Azo係后面揽住咗我,擦住我块面话
-唔好讲喇…
-我未讲完噶.识咗嗰个男仔之后,个女仔有过一段佢咁大个女最开心,最甜嘅日子.佢觉得好满足,但係更加恨自己嘅身世,唔可以比倒一段稳定嘅感情佢.嗰个男仔嘅每一句说话,每一个笑容,都成为咗嗰个女仔嘅动力.就算外面嘅世界几混浊几痛苦,佢都要係嗰个男仔面前表现自己最开心嘅一面.但係冇几耐,嗰个女仔要帮佢大佬重新出离行,而男仔都终于发现咗哩件事,佢唔可以承受咁样嘅爱,于是抛嘅咗嗰只载住承诺嘅锷离开咗……个故事係咪到E度就係结局吖…?!吓?
我一路断断续续咁讲,一路泪流满面……
-如果个故事仲有番外篇嘅话,应该係,个女仔都要除翻只锷出离,放弃一切…
我坐低咗,好用力咁扯嗰只一直唔舍得除落离嘅脚锷出离
-唔好啊!!!
Azo拉住咗我只手
-妳手腕点解会咁噶!!
-……
Azo捧住我只手,用佢块面轻轻扫住,一滴滴泪係佢深邃嘅眼喔中滲出离,顺住我嘅手腕流落离
-妳身上究竟仲有几多伤痕係我唔知噶?
佢轻轻解开咗我嘅衫钮,每见倒一条伤痕,都痛苦咁透住大气,好温柔咁用佢温热嘅嘴唇吻住
旧嘅伤疤,加上分手以离嘅”战迹”,连我自己都唔敢望清楚
係佢用佢嘅吻,抚平我身上所有嘅伤口……
嗰一晚,佢以另一种方式进入咗我嘅生命
我地係床上默默咁流住泪,喘住气.
耳边,不断听倒佢低沉嘅身音”好挂住妳” ……
Part51
追
我奋力追
追到没法追
追到没法分清我是谁……
=================================================
-飞往巴黎嘅航班将係十五分钟后开出……
花都机场候机处嘅广播响起咗.
係哩一刻,我好茫然咁望住四周围拉住行李箱来来往往嘅人,
唔同哩D人都习惯咗係机场穿梭,习惯咗从一个地方飞向另一个地方,再由嗰个地方奔向下一个目的地……
可以係每一个地方都唔带一D留恋??哩D係咪叫习惯成自然?
但係,我真係唔习惯.
从细到大,我都未离开过广州,又或者话最多去D好近嘅地方玩吓.
曾经都会好羡慕人地有dady mumy带佢地搭飞机周围去,
曾经都好想係飞机上望吓个天係咪真係咁蓝,白雪雪嘅云係咪会係窗外飘过,地面上嘅高楼大厦係咪会变到火柴盒咁细……
到咗临登机前嘅一刻,哩D我已经唔再稀罕.我净係知道,离开咗广州,我会觉得好彷徨
哩度有太多太多我放唔低嘅嘢.
每一个熟悉嘅街角,每一阵熟悉嘅气味,每一段载住好多回忆嘅路……
巴黎或者会更加靓,更加可以令我慢慢咁平静落离,直到有一日我觉得所有嘅嘢都唔再重要
当初我应承同均惟去巴黎,唔通就为咗逃避…
好多好多嘅嘢一下子涌晒向我个脑度
我好想走……
好想即刻逃离E个令我头晕脑涨嘅机场,我边度都唔想去!!
好想揾一个冇人揾倒我嘅角落哩埋.
但我唯一做倒嘅,就係浸没于思忆中,翻到去嗰段曾经有过嘅幸福时光……
========================================================
嗰一晚嘅第二朝清晨,大概六点钟左右,我同Azo行係啱啱落完细雨嘅沿江路度.
今日我同Azo都要翻学,所以好早我地就起咗身.
Azo要翻屋K换件衫先,而我呢,仲未放心寻晚跟我地去打交嗰班兄弟,同埋奈奈佢地唔知将件事搞成点,
所以我其实係准备翻Laager Club睇吓,之不过唔知点开口同佢讲……
清晨嘅沿江路,个天仲有D暗.
落完细雨嘅缘故,空气有D湿,有D凉.恍有恍无嘅清风係皮肤上滑过.
微湿嘅地下,零零落落咁铺住D黄褐色嘅树叶.
可能因为寻晚我地第一次咩咩离,所以有D尴尬,行到离行离勒咁……
间中偷望Azo,佢面上嘅表情好平静,但又好似好复杂咁,
佢个头侧住望住蒙住层白雾嘅珠江,佢块面苍白咗,仲好似瘦咗D添……
见倒佢咁样,我个心好唔舒服.
我咬住嘴唇,一时望吓佢,一时望住地吓,就係咁两个人沉默不语,离行离勒咁行咗好耐……
-er……
我终于忍唔住打破咗令我好难受嘅沉默.
-Hum?
佢终于都将视线从条珠江转移到我身上.
-你E+翻屋K吖?
唔知有咩好讲嘅我,问咗一个无聊到训嘅问题.
-Emm.
-哦……
继续沉默中……行路ing………
-咁妳呢?
Azo突然间开声.
-我?……
-妳唔翻学吖?
-唔知吖…可能翻laager睇吓点先啦.
我一路讲,右手一路好随意咁摸住左手嘅刀痕,突然发觉Azo望住我只左手,寻晚佢锡我嗰个场面又不自禁咁浮现係眼前.
我即刻好唔自然咁将只左手收係身后,成块面都红晒.
而Azo见倒我咁,又好唔自然咁将个头令翻过条珠江度.
咁样落去都唔係办法,有D嘢我迟早都要讲清楚.
-係吖,我出翻离行喇……哩样嘢,你知啦呵?
-emm…
-所以,我E+好少翻学喇,成日都突然有嘢要做,夜晚又…
-咁样好咩?
Azo打断咗我嘅说话,凌厉嘅目光望住我对眼.
我dup低头,细声讲咗句
-你觉得我想咁噶咩…
Azo突然拉起我只手,行得好快
-跟我离!
-去边啊?
-同妳大佬Miu讲清楚啊!
佢越行越快
-唔得架!我知佢会比我做翻个普通嘅女仔,但咁样我对得住自己咩!
Azo眼中闪过一丝迟疑嘅目光,但仲係拉住我手腕不断咁行
我继续讲
-我过唔倒自己嗰关啊!佢由细睇到我大,每次我有事都係佢帮我.仲有奈奈,啊细佢地……我知我比唔倒安全感身边嘅人,所以…我只可以用我嘅方式保护佢地,然后又懵惺惺咁hurt倒其他对我好重要嘅人…
我望住Azo,,又dup低头.
佢松开咗我只手,停咗係度.
好细声好细声咁讲咗句
-妳死咗咁我点算…
细声到令我几乎怀疑自己有冇听错.我猛然抬高头望住佢
佢又慢慢咁向前行,好似话”妳当我冇讲过”咁
哩一刻,我觉得佢真係好需要我,佢好担心我有事,但就一直自己收埋冇讲出离
-你啱先讲咩啊?
啱先呆咗係度嘅我小跑咗几步,追咗上去……
-算啦,我地都散咗喇…
Azo有D恢气咁讲
我听倒之后好失望,觉得啱先我捻嘅嘢只係自己一厢情愿
-你就係想讲哩句?
Azo冇出声,只係望住前面係咁行
-咁…我地係哩度开始正式分手,以后都唔好再见!
唔知係斗气定係真係嬲,净係觉得自己讲哩句话嘅时候,个心挣扎得好犀利
Azo停低咗,另后离望住我
-同你一齐哩几个月真係好开心,係我咁大个囡最开心噶…
-诗甜……
-但係,咁样落去,只会越离越多交嗌.我唔想到你开始憎我,然后大家分手……不如就係度结束,等大家都仲有D好嘅回忆…
-我……
-其实我地一早就大缆都扯唔埋,就好似E+咁,其实我要行嘅係同你相反方向嘅路,我就你就得咁辛苦,你等我又等得咁辛苦……
我一囵嘴咁係度讲,好似失去控制咁,而Azo定咗係度望住咁样嘅我,终于都开声
-嘅然妳简咗咁样,emm…
佢点咗点头,继续话
-妳开心就得……
我望咗佢一眼,JI咗个好难睇嘅笑容出离,Up咗Up头,然后转身向住行离嘅反方向走……
Part52
天国跟我很远 情人留在眼前 不会团圆
迷恋也有福 不敢抱怨
不会视而不见 纯真总被岁月去污染
反正 谁都会有这一天
若插翼难展翅 情愿因妳脱下纯白羽衣
恋爱难 不想更难 苦恋那时 不得意
慢慢地学会痛心 慢慢地学会化身 普通人
还怎能无偿地拼命爱别人
慢慢地习惯碎心 慢慢地明了情感的阴暗
才可跟妳走得更近
怎给妳这天使之吻
我知道,以后唔会再有一个对我咁好嘅男仔,唔会再有一个令我咁爱佢嘅男仔
如果我啱先唔係讲埋晒D咁嘅话,我地好可能已经係翻埋一齐,
好嬲自己吖!!!
究竟我係度做梗D咩……
失魂落魄咁向前行,麻木到连眼泪都流唔出
只係捻倒,如果我地以后都唔见,会点样?
真正失去一个人,姐係话,妳以后都唔可以听倒佢把声,唔可以见倒佢个样
妳挂住佢嗰阵,妳要记得自己讲过嘅嘢,唔可以去揾佢,
同佢一齐睇过嘅电影,一齐食过嘅雪糕,一齐渡过嘅晴天,阴天,雨天,或者妳唔可以忘记,但妳要知道,唔会再有一个人同你渡过哩D时刻
点解人要咁犯贱窝!自己中意咪中意囖,点解要捻咁多,点解要斗气
如果妳中意嘅人下一秒就离开咗哩个世界点办?
我终于都了解佢讲嗰句”妳死咗咁我点算?”
嘅然有机会係埋一齐,唔係每一分每一秒都应该珍惜噶咩?係度怨未来唔会有好结果,因为我地都冇捻到未来係要两个人去开创嘅.
捻到哩度,我突然间跑翻转头
我唔想一切就咁结束!遇到困难就捻住散咗一了百了,起码大家都留翻个好回忆比大家.
但我唔要我地嘅回忆到哩度就结束.
我跑翻去嗰我地讲分手嘅地方,但Azo已经唔係度.
我又即刻跑去佢屋K,但望上去佢间屋D窗仲係关晒嘅,
去到学校门口,E+咁早,学校都未开门.
来来回回,最终我都係行翻去沿江路度,痴痴呆呆咁一步一步行过离行过去
突然我醒起原来世界上仲有样先进嘅通讯工具叫手机,
我就即刻Umm咗部机出离,
do…do…do…
-喂?
-喂,Azo你係边吖?
-妳唔係话我地分手噶咩.
-係啊,係分咗手.但冇人话过分咗手唔比重新开始窝!
-大小姐~~~妳唔好再玩我喇!精神病好难医翻好架!
我忍唔住笑咗笑
-咁又係,同我一齐你要有入傻十嘅心理准备噶
-我好惊吖～
-超~
-……
-sorry啊,啱先係我自己发脾气,我唔係真係想咁样噶
-过咗去嘅嘢冇得翻转头噶窝
-……
-不过妳要重新开始过我都吹你唔胀嘅!
-顶你啊!几时学得咁串啊你!
-咁跟得妳咁耐,唔学翻一句半句都好对唔住自己姐!
-见你有潜质,以后再过几招比你啦
-哈哈哈…
又听倒Azo爽朗嘅笑声喇……
-你E+係边吖?揾咗你好耐喇!
-係你dum低我嘅地方咯
-沿江路?我都係嗰度窝,点解唔见你嘅?
周围望ing…
-係妳后边吖!
-哩句嘢旧到傻好唔好!
-唔信咪算咯.
我一另后去,果然见倒Azo拿住部手机,”咩”住嘴好无奈咁对住我笑
我cup咗部机,跑过去好出奇咁话
-你几时係度噶!
-都冇走过.
-讲嘢啊.
-唔讲妳点听啊!
-妖~讲真架,你点会係度噶?
-等妳翻离认领啊嘛!
-傻噶!
-唔傻都唔会中意妳啦!女侠~
-行啦!
-去边吖?
-食早餐啊闷!
转转折折,虽然仲係有D尴尬,不过好耐冇见过嘅笑容已经重新出现係佢面上
佢仲一路行,一路专登撞我膊头,
-哎呀~唔好意思窝~
睇佢只死佬,仲抵死到扮晒道歉咁
行吓行吓,佢只手指掂咗掂我只手,然后佢顺势拖住咗我
除咗甜蜜之外,仲有一仲感动涌上心头
-妳好瘦吖,知唔知?
-知,我知……
泪水係眼眶打转,
Azo dup低头望吓我,然后又撞咗我一吓,就侧侧地面望住条江,阴阴嘴咁笑
然后到我突然笑咗出离……
望住佢,心情真係好复杂,但哩个时候,幸福已经掩盖咗所有嘅感觉……
嗯,未来係由我地一齐开创噶……
以前我觉得留你係我身边,係我自私.
但E+,我唔会放你走,我有信心令你开心,我会慢慢走出哩个黑暗嘅圈子
我唔舍得,我知你都一样,
right?Mr.Angel……
Part53
===========================================
终于都嚟到咗巴黎---传说中嘅拍拖胜地---浪漫Paris……
五年前,记得听你讲过,你想环游世界.
曾经期待住同你漫步世界上每一个角落,同你一齐欣赏唔同嘅日出,日落……
直到连头发都白晒,D牙甩到七七八八,仲可以挽住手漫游于巴黎铁塔下……
好奇怪嘅係,真正到咗巴黎,反而唔敢去巴黎铁塔,凯旋门,迪士尼…
一个人嘅话,太过伤感,
同均惟一齐嘅话,感觉好似有D唔同想象中咁样,
所以干脆唔去
但係,漫游异国,越离越有仲逐渐了解你嘅感觉,
明白你点解会想环游世界,点解会中意无拘无束,世界上有太多太多我地未见过嘅嘢……
风景不老,追随风景嘅心亦不老,只可惜人就难以经得起岁月煎熬
我知道,如果你听倒我咁讲,又係我身边嘅话,一定会笑住拍拍我后脑枕.
好似同我讲”咁悲做乜,就算老,都有我陪妳一齐老啊嘛”
去到巴黎,均惟好快就要投入新嘅工作,佢E+係一间广告公司做策划,我地E班係美术学院出离嘅人,离唔开同艺术有关嘅商业活动
唯一有D唔同嘅,就係你囖……做咩都要零舍脱俗过人嘅!
平时一个人,我成日会去D café度坐,
记得有出好旧嘅音乐电影叫<<日落巴黎>>嘛?故事讲嘅係张国荣,张曼玉,钟楚红嘅三角恋
里面写嘅少年爱恋,恍惚,闪电,瞬间灿烂,但冇永远…
就好似我地游览世界,可以玩,唔可以要,记忆带得走几多就係几多,冇永远嘅拥有
我觉得法国嘅男仔有D似你,正确D离讲或者係你似法国嘅男仔Garcon,浪漫忧郁,带D令人猜不透嘅小脾气
Le Pure Café係我去得最多嘅café,哩度係<<日落巴黎>>浪漫之旅嘅第二站,红色,古旧,
但好清静.阳光,树阴,狗仔係café嘅必然配套,
仲有<<天使爱美丽>>嘅女主角成日食嘅甜品Cream Brulee,法式脆焦糖炖蛋,食落去有种心情变好嘅感觉
係E度我忘记咗好多嘢,都记起咗好多嘢.
係巴黎仲有好出名嘅Colette,香榭丽舍,Hermes啦,LV啦,D嘢虽然靓,但睇吓已经满足,一来贵啦,二来我唔擅于保存D太美好嘅嘢……
其实係巴黎唔止係幽雅噶,哩度都唔少型人架,係条街度睇住D各式各样嘅人来来往往,都係一种赏心悦目嘅事
而且哩度除咗宁静之外,仲有活泼嘅一面
有时我都会同均惟踩住rollerblade,係塞纳河附近玩得好癫~嘻嘻嘻
係哩度发生嘅一切,我都好想话比你知,
就算净係想象住同你讲梗哩度嘅嘢,我都会情不自禁咁笑出离,笑完之后就更加觉得寂寞…
有一个茶色嘅午后,係Palais de Tokyo嘅书店里面,揸住支铅笔,係张白纸上画吓画吓,
不知不觉画咗你对眼出离,我发觉自己画你对眼,你个鼻,你个嘴,都画得好神似
但係,如果将你成个样一齐画出离,我竟然画到自己都发晒猛挣,点解一D都唔似嘅…
直至画纸上蒙上咗几滴係阳光下闪住光嘅泪水,
哩次係离到巴黎后,第一次捻起你喊咗出离
我怕你个样会逐渐係我脑中淡化……
Part54
我还常流连你等我的路口
总觉得下一秒你就会出现向我挥手
永远不让我流泪 这些话还带着温热
你的吻 你的手 还清楚在我心头
你的肩 你怀中 寄放了我许多梦
你的话 你忧愁 我还依然牵挂着
虽然也这么多年以后 一切好像刚发生过
同Azo係翻埋一齐之后,我地嘅感情仲好过以前,可能係曾经失去过所以特别识得要去珍惜
而且,我都用多咗时间去翻学,去同佢拍拖,一来大佬Miu嗰边嘅事逐渐稳定咗落离,二来奈奈,啊细佢地都好了解我嘅处境,所以有好多事佢地都会尽量自己解决.唔~~~~~~~~好姊妹吖~~~T_T
净係朝朝同佢一齐翻学,係学校撞倒然后好sweet咁对住笑一笑,都已经觉得幸福到痴痴呆呆啦~
仲有时我地会一齐去行街街添~~
哩个星期日,我地着得好衬咁去咗北京路
我今日着得好鬼0靓妹,因为咁样冇咁容易比人认出啊嘛,如果好似平时睇场咁着,唔单止Azo唔中意,仲要行唔够几步就已经比嗰D係夜场识嘅人认得出,破坏晒我哩个美好嘅约会!
鉴于我着得咁细个,我就唔可以畀本来已经几成熟嘅Azo着得咁man啦!所以我就将佢打扮到成个0靓仔咁,
Gel到佢个头好似GLAY嘅JIRO曾经整过嘅荧光粉红头咁爆,又要佢着得好0靓仔啦,唔稳重,就係所谓嘅In~
本来佢唔制架,可能係佢做model嘅原因,中意着得好casual嘅,不过比我夹硬装身完之后,佢照吓照吓镜话个LOOK好过瘾~
好明显人地睇上去我地就係一对古灵精怪嘅男女啦,同街上所有着到好行嘅年青人一样
咁样我地就混係人群中,中意做咩就做咩啦~~~
星期日即係星期日,特别多人嘅!真係庆幸冇去到撞人坊吖,净係想象吓嗰度嘅情景都觉得恐怖!
係北京路度,拉佢去睇衫睇饰品,仲捻住男仔好少会中意行街,点知佢简得仲落力过我
-（ME)喂喂~哩件点姐?
-OK啦~不过唔中意只色吖,湖水蓝啦~
-我觉得黄色好D窝!
-边係啊!黄色好似童装吖~
-係sharp好唔好~唔离你!我去试吓先~~~~
-妳唔好后悔~
In fitting room…
-咔咔咔~~~~喂~睇吓衬埋我个发係咪好抢眼~
-核突!都话湖水蓝好D囖!
-顶~湖水蓝好师奶吖!
-咁又係嘅,湖水蓝好虾人着架~我见我地公司D model着得几好睇吖!妳carry唔倒就咪搞喇!
唔知从几时开始,Azo超中意窒我,究竟係打情骂俏定比佢激餐死?
-啊车~~~~边个话架!湖水蓝咪湖水蓝~就畀你睇吓咩叫女人味~
-想make me crazy啊老婆?
-掟你去填海!
知唔知佢嗰句”make me crazy”咩意思呢,我话女人味之嘛,嗰只死佬就捻起Twins只歌咯”from girl to lady,enough make me crazy”
以前我仲会听5明佢讲过嘢嘅,但係耐咗呢,我就学咗听佢讲嘢个脑要转得好快,皆因如果妳听唔明问佢讲咩嘅话,佢係绝对唔会讲比妳听嘅,仲衰衰咁奚落妳一翻,死未!!
不过呢~~~~~~我发觉自己越离越中意佢囖!慢慢发觉佢唔只係有艺术才华,有气质啦,仲有可爱玩得嘅一面添~~
哩D嘢我梗係收埋係心啦~~~同佢讲嘅话佢实骄傲嘅!如果同奈奈,啊细讲,仲衰~~~~佢地实会好唔愤输咁讲一大轮佢地条仔嘅优点~
哈哈哈~~~~~~~~~~恋爱中嘅女人都係自私嘅,佢有几好得我知就得啦~唱通街我仲惊佢比人及中添
-妖~~~~我睇离睇去都係觉得件湖水蓝好怪相啊……
-咔咔咔……几啦几啦,可以接受嘅!
-你……!!作死你啊~啱先又企硬哩只色~
-冇计啦~鬼叫只黄色咁抢啊?
-又唔係你着!
-就係妳着先唔掂~
-屎忽痕啊你!
-总之妳着得样样衰衰就啱啦~
-变态!
-骑骑骑~~~最好就变埋肥婆!
-好~~~~到我百几二百斤第一个轧死你先~
-嚟係啦~
-话晒我都係妳条女啊+阵~我变样衰你会觉得好光荣咩!
-啱吖,所以得我一个望妳就够啦~畀人睇折晒好好咩!
我一听佢咁讲,有种掩饰唔住嘅幸福感,咬住嘴自己dup低头傻笑咗一阵,又鄂高头阴阴嘴笑笑口望吓Azo
佢见我咁就用两只手指链住我块面,搞到我成个猪嘴怪咁,我瞪圆对眼啤住佢
佢忍唔住笑咗一声,然后话
“好似猪啊好似猪啊~咕咕咕……哈哈哈哈”
-猪你条命~过去嗰边啦~
我拉住佢只手
-边度啊?
-热带岛下面嗰间嘢啊!
-2~又係D热气嘢!
-话你唔识食真係冇错~有D嘢好正架!唔係好热气噶乍!
-虽然话得妳猪多姐~都唔洗咁遭质自己啊哇~
-好啦~咁委屈你唔好食囖~
-未住~~~~~~~好似咁鬼香咁嘅!
-係啊呢~~~~~~~~~（同间铺D人讲)唔该要四串鸡脾肉!
热带岛楼下嗰间嘢D鸡脾肉真係冇得弹啊~~~係D一粒粒嘅鸡脾肉串埋一串,D肉又新鲜又滑,D汁就更加係独一无二,好味到飘起身~
我以前同奈奈,啊细佢地离次次都必食噶~有时仲食完又走翻转头买添!
-好鬼正啊~~~~~~~~~~
-嘻嘻嘻~~~~洗乜讲~唔知边个话唔食噶呢~
-边有话过窝~顶~
-拿~揸住!
-哩杯咩离噶?
-黑芒沟啊~~~又係嗰间嘢度买噶!好正架~
Azo食到成嘴都係D汁,然后又拿拿声索咗啖芒果汁,
-唔~~~~~~~~好幸福啊!
我见倒佢个样咁搞笑,就抽咗张纸巾出离.唔好以为我会好似其他女朋友咁,咁温柔帮佢抹嘴,
我一张纸巾拍落佢个嘴度,就咁痴实咗
-哇哈哈哈哈哈~~~~~~~~你个嘴好乌糟吖~~~~~
-唔唔唔唔唔唔~~~~~~
比张痴住个嘴嘅佢讲嘢都讲唔清,仲要一只手拿住杯嘢饮,一只手揸住盒嘢食,抹嘴都抹唔倒
有对二十几岁嘅情侣行梗过离,见倒我地拍拖拍到咁搞嘢,都係度偷偷地笑
--------------------------------------
跟住我地又搭地铁去咗流行前线继续shopping,
经过嗰度间机室间倒跳舞机嗰度一大班人围观,好热闹咁样
我就拉住Azo行过去睇啦,原来係有两个女仔係度玩梗,其中一个仲好似几劲添窝~
嗰个女仔个头染咗好黑嗰种黑色,电得爆爆地,就好似状仔好多女仔嗰D街LOOK咁样
睇上去同我差唔多大,矮我少少,不过都好瘦吓
佢跳舞几有格,节奏感好强,D动作好随意,不过就踩啱晒D拍子,仲要好潇洒咁先~~
周围嗰D5知係佢D fans定friends啦,係度嗌”瑶瑶好嘢啊~链低佢啦~第六个喇”
睇离哩个叫瑶瑶嘅女仔係度同人链舞链咗成日喇窝~
係佢隔离嘅嗰个女仔好明显就唔够佢离啦,一开始仲跳得差唔多,但只歌一转咗,节奏一快咗,佢就开始跟唔上喇
而嗰个瑶瑶仲跳得好轻松
-wOo~WoO~劲啊咁又搞掂一个~舞后啊~
-（瑶）唉~~~~广州D人屎姐~嗰时去日本玩,D人不知几链得!E度好Q闷啊……
-咁又係~~成日都妳赢边度好玩架~
哇~~~~~~~`哩班人都好嚣姐~离得机室玩,玩吓就算啦~仲捻住揾咩强对手,
特别係嗰个瑶瑶,睇佢都应该係广州人啊,虽然可能日本有D人跳得好劲,不过都唔洗话晒成个广州D人都屎啊!见识少~
E~~~Azo呢?
Azo係第二边行咗过离,递咗几个机银比我
-做咩吖?
-见妳睇得咁入神,同佢链翻场啦~
原来佢专登走去帮我买银,讲落,自从我对脚好翻之后都冇点跳过舞啦
-费事啦~机室嚟嘅…咁多人及住晒~
-冇吖,听Baby仔话妳以前玩跳舞机好掂~想睇吓之嘛~
-哈哈哈~~你想睇啊?早讲啦嘛~~~係咁二露两手畀你睇啦~~~~
-吓哇?好得咁播~
-都几架~啊哈哈哈哈~~~~~
有Azo睇住我,突然信心爆棚添~~自己引以为荣嘅舞功梗係要show畀佢睇吓啦~~~等佢知道我都有D嘢嘅ichiban嘅!
瑶瑶嗰班人都准备走啦,所谓嘅”成日都係佢赢,冇瘾啊嘛”
我行咗上部跳舞机度,队咗只银落去,
嗰个瑶瑶见仲有人上去玩,望咗我一眼,
我就咩咩嘴对佢笑咗笑
然后佢就另后去同佢D F讲话玩埋哩铺先~
five six seven eight………
音乐开始咗咯,係好耐未听过嘅<5,6,7,8>,我另过去望吓Azo,
佢侧身坐咗係隔离一部游戏机”摩托车”度,笑住对我做咗个口形”加油”
跟住我就又眉目传情咁对住佢做咗个超级自信嘅笑容
哇哇~~~~~原来畀咁多人咁近距离睇自己跳舞嘅感觉咁好玩噶窝,有D受瞩目嘅感觉,
-睇吓,瑶瑶跳到只歌熟晒啦,一次都冇跳错窝~次次都係perfect噶~
-佢隔离嗰个女仔够係啦~
-哩只歌简单啊嘛~好难分得出嘅~
-喂~~~~~~唔係窝,你睇吓佢隔离嗰个女仔,一眼都冇望过部机噶原来
骑骑骑~~~~~~~当然啦~~~唔係点叫Baby仔口中嘅”当年玩跳舞机好掂”啊!从初一开始兴哩样嘢开始,我就几乎日日都要跳过先安乐,
所以开头哩几首简单嘅歌,我係一D都唔洗睇屏幕指示嘅,
瑶瑶一听有人咁讲,就令咗个头望我,我咪又笑吓望吓佢咯~~
跟住落去,佢好似想起我底咁,就一跳简咗首D舞步好复杂嘅歌,
不过话晒我都由细跳到大窝,E样嘢梗係难唔倒我啦~~~~~~
Part55
-啱先好犀利窝~~~唔係听妳死党讲我都唔知妳咁跳得!
-咁哩D好耐之前嘅事啊嘛~加上玩跳舞机之嘛,边好意思大大声同人讲噶~
-咁细细声讲咪得囖~
-（细细声)咁我抵唔抵赞啊?
-（细细声)抵~~~抵锡吖~
跟住Azo就好快咁係我块面度锡咗一啖
-嘻嘻嘻嘻嘻~~~~~~~~
跟住我又傻更更咁笑住离掩饰自己几乎想叫出离嘅开心
-E?Azo?咁啱嘅?
行行吓听倒前方有把好女人嘅声
一鄂高头望,唔得~有妖气!!
前面有三个米七几嘅女人,仲要一个着half-top,一个着露膊装,仲有一个正常D….但睇真D,嗰个仲高超,係大露背……
望住眼前哩群咁妖艳嘅女人,就觉得自己成个0靓妹咁,特别係今日着得咁qutie,就更加显得好好似脑笋都未生埋
Azo懒咁唔gentleman咁笑笑口同佢地打招呼
-哇~咩事啊你,着成咁嘅!
其中一个妖女好似好出奇咁讲.有咩咁唔妥姐,人地着成点关你咩事窝.
-仲捻住今晚预埋你去feel net添~E+唔洗露~
露背妖女开始张开佢血盘大口.乜+阵我Azo有话要去咩!无聊!
-E?隔离嗰个你个朋友啊?
-係啊!
Azo竟然答係!!唔係啊!唔係朋友,係女朋友啊!!!
我死係度督Azo条腰,暗示佢”做乜唔话我係你女朋友!”
但佢捉住我只手,同班妖女讲话我地走先…激S我喇!
-哼!
-仲嬲啊?
-冇~~~我係你朋友之嘛,有咩好嬲!有咩好嬲姐,冇咩好嬲噶窝,我都唔觉得有咩好嬲~
-咁我捻住求其敷衍吓佢地就走人啊嘛!
-咁你E+係咪求其同我拍吓拖吖?
-我都仲未问你嗰班妖女係乜水啊!
-妖女?哈哈哈哈~~~公司D model囖!
-怪唔知个个牛高马大啦~……哦~~~~~~~~model!仲衰!我知喇,你实係捻住话我係你朋友,等佢地以为你单身,博佢地离沟你!
-救命吖…我随便讲吓应付佢地之嘛!
-欲加之罪何患无辞啊!
-er…小姐妳E句话用係度好似有D……
-仲窒我!!
--咁你点先唔嬲啊?
我根本就冇理到佢,仲係嬲爆爆咁係咁行,其实我心捻,Azo翻去公司原来有咁大班妖女,危险啊~S型高大怪兽!
点办呢,咁落去话唔定有日我Azo会成为佢地猎物噶窝,又或者佢地有机会同佢影埋D贴身相,乘机博佢懵咪大剂!
-妳等我一阵喇!
係我后面好无奈咁跟咗我好耐嘅Azo突然叫停咗我,拿咗部手机出离打.
我就翘住只手係度睇佢搞咩花肾
-喂sucy吖?Azo吖我係.
-……
-哦,冇咩嘢,捻住同妳讲,啱先妳见倒係我隔离嗰个女仔呢,係我女朋友离架!
-……
-吓?冇啊,就係讲哩样嘢之嘛!
-……
-唔好意思囖阻住妳.
原来只傻佬专登打去同人地讲,傻噶咩,傻仔离噶……
但係,点解,我见倒佢做埋D咁戆居嘅嘢会觉得咁开心咁感动嘅,之前惊佢会比人诱惑嘅担心已经完全冇晒,
心里面真係甜到连D蜜蜂都唔抵得我啦,但係仲係忍住唔讲自己D开心表露出离
-点啊?唔好嬲啦,我都打去澄清喇
-车~我都冇嬲过~
-假得妳~妳累到我畀人闹喇!
-又关我事!
-你有冇见过人咁白痴专登打电话比一个啱啱见过嘅人,同佢讲”喂,係,又係我咯,我想同你讲啱先你见倒嗰个唔係边个边个,而係边个边个离噶……係咁啦~我就係讲哩件事噶乍”咁架?
-咔咔咔咔咔
-“咔 咔 咔”!识笑喇咩~难为我比人话食饱饭冇嘢做啊!
-乖仔吓~~~
--------------------------------------------
行吓行吓,行到去通利琴行门口,Azo停咗係度望住入面D钢琴,若有所思咁样…
-不如入去睇吓囖!
佢行到去一部白色嘅钢琴前面,一只手摸住D凹凹凸凸嘅琴键,双眼带住一D忧郁嘅眼神
-钢琴你都识噶?
-唔係吖,係我啊妈识之嘛……
係Azo过咗世嘅妈妈.怪唔之佢望住部钢琴嘅时候会有D咁伤感嘅神情啦.
-我啊妈以前係一个音乐老师离噶,而啊爸就係书法家……细个嘅时候,我成日做係隔离睇啊妈弹钢琴,啊爸就係隔离张台度写毛笔字,所以次次听倒琴声,都会有种好温馨嘅感觉……
Part56
-我啊妈以前係一个音乐老师离噶,而啊爸就係书法家……细个嘅时候,我成日坐係隔离睇啊妈弹钢琴,啊爸就係隔离张台度写毛笔字,所以次次听倒琴声,都会有种好温馨嘅感觉……
原来Azo成家人都搞艺术嘅…怪唔之第一次见佢嘅时候就觉得佢有种艺术家嘅优雅气质,
有时见倒佢坐住係画室个阳台围栏上面,捧住个画板,dup低头好专注咁画梗画嘅时候,凌乱嘅啡色留海垂係茶色嘅眼珠前,睫影投係白净嘅肌肤上,鼻尖凝聚住一种灵敏,全身都好似蒙上咗一层光华,
令我觉得哩个时候嘅佢,好似一张开收係背后嘅雪白双翼,就会翩翩飞向天际咁……
自细就冇咗啊爸啊妈嘅佢变得独立,隐隐约约比人孤寂嘅感觉,但係就保持咗佢嗰对艺术家父母遗传畀佢嘅灵气同纯洁,
E+捻翻起,唔怪得佢屋K会有咁多钢琴黑胶唱片啦……
钢琴声畀佢一种温馨嘅感觉……
我可以想象倒,嗰阵时佢屋企一定係成日弥漫住悠扬嘅琴音,係从佢妈妈纤长嘅手指间流淌出嘅琴音
听住柔和嘅钢琴声,小Azo会有一种安全同幸福嘅感觉,每段旋律都记载住佢地一家人嘅温馨时光
但係,咁样嘅钢琴声有一日突然永远咁离开咗佢……
emm……比起佢,我都唔知算好彩定唔好彩,我冇对我咁好嘅父母,但幸运嘅係,我父母依然健在,
Azo回忆中永远都有浪漫嘅琴音同朴实嘅墨香,但係现实中,佢揾唔倒依靠……
钢琴,钢琴……
唉……可惜我唔係嗰种充满艺术气质嘅女仔吖,画画都都係上咗美术学院先识识地,
而乐器呢,基本上同我绝缘,唯一听得吓嘅就係大人口中”嘈乱巴闭”嘅band鼓咯…
舞,我好叻架,不过唔係古典舞,芭蕾舞呢……
讲落,点解Azo又会中意咁样嘅我呢…………
如果我识钢琴嘅话仲可以得闲弹吓畀佢听,等佢回味吓嗰时一家人嘅温馨生活吖…
捻捻吓,好似过多个几个星期就係Azo生日喇窝,佢今年又係要过一个冇父母陪伴嘅生日,
虽然我决定要等佢过一个好开心好难忘嘅生日（BUT仲未捻倒点同佢庆祝),但係我都唔可以填补佢心里面冇咗父母嘅痛苦噶窝……
----------------------------------------------
哩一晚要翻去Laager Club度睇吓咩环境.
11:00pm
-（me)E~~~今晚咁齐人嘅~?Baby仔,啊细你地都係度座镇啊?
-（细)鬼咩~本来同只衰佬去睇戏架!后离大佬Miu叫我地四个今晚个个都要到啊,都唔知咩事~
-（me)怪唔知Franky同我讲话今晚记得要翻离睇啦…E?少呵播~今晚咁高卡屎嘅搞得?请咗人翻离弹钢琴吖?
我地E间Club,间唔中都会请D Band队同Dancers翻离表演,离带起D气氛,撑旺个场
今日好少有咁请咗人翻离弹钢琴,仲要弹埋晒D咩古典名曲,搞到间club好似D高级餐厅咁
-（Baby仔)係啊,几好feel啊都~係均惟师兄介绍嘅~
-（me)均惟?
-（B)佢表姐开乐器行家嘛,我地租咗佢部钢琴离摆一排,又请咗D人翻离弹钢琴囖!
-（me)都好嘅,听讲哩排差佬查得好严,钢琴表演好过搞到乌烟瘴气.
-（B)嗯嗯~仲吸引倒D靓女OL离添~
-（me)你唔大声D讲埋畀啊细听~~~~
-（B)讲吓姐~~~咁比起我条女,D OL都係争梗D嘅~
-（me)哈哈哈~喂~係窝~~乜均惟有个表姐噶?
-（B)Umm hmm~
-（me)佢开乐器行咁识唔识弹钢琴噶?
-（B)妳话呢!人地开得咁大间嘢卖钢琴点会唔识弹姐~嗰日我同啊细都听过佢弹啦,高人离架!
-（me)真嘅~~~~?呵呵呵呵~~~咁就好喇!
-（B)妳冇话畀我听妳想揾人教妳啊?学钢琴~~~~~~~~?…哇哈哈哈哈~~~~~~~~~
-（me)咩啊!我请人离表演唔得啊!
-（B)係就最好啦~~~真係好难想象咯~Sea姐学钢琴!
-（me)多爹啦你!係窝~~~~奈奈呢?
-（B)Bar台嗰边咯~我见倒D F离咗窝,唔讲住,过去先喇!
Bar台?睇离睇去都冇个係奈奈窝……
吓~~~~~~~~唔係啊嘛?莫非係嗰个……!
哇顶~~~~~~~~~奈奈只衰婆咩事吖?突然间打扮到咁鬼成熟嘅,着咗件枣红色花纹嘅紧身低胸衫,同白色嘅印花裙,仲要扎起晒D头发,睇上去好似成廿五廿六岁咁!
-衰婆~~~~~~~
-哎?诗甜~?舍得翻离喇咩~挂住你条仔得噶啦~
-咪讲哩D住先!妳只傻婆做乜搞到成个贵妇咁嘅~
-点吖点吖?係咪好有女人味呢?
-都係平时咁顺眼D姐~
-係咩?冇啊~~套衫我啊嫂去欧洲旅行嗰时买离送比我噶~见贵嘢咪着离玩吓咯~
-成熟到~争D认唔出妳添啊!
E个时候,Franky係门口跑咗入离
-（F)诗姐,奈姐,有料到啊!
-（奈)点啊?
-（F)Miu爷咪话今晚睇实D嘅,啱先Toxic佢地十几个人係侧门入咗去,包咗间房,好似好低调咁,唔知搞乜鬼~
-（me)照计Toxic嗰边都大把场啊,做乜走离大佬Miu个场嘅!
-（奈)一係就离睇吓大佬Miu搞成点,一係就做D唔干净嘅交易,再唔係就离踩场囖!
-（me)踩场都唔洗佢亲自离啊哇?而且佢同大佬一向都无仇无怨,应该唔会离做衰嘢嘅!
-（F)睇吓嗰边!!
係门口突然间有班着晒黑色西装嘅男人入咗离,佢地成班人跟住一个着银色衫,带住幅乌蝇镜,墨绿色头发嘅男.
嗰个男好生面口,冇话係我地个场,以前出去蒲都冇见过佢,但睇佢个势好似有D料到咁
佢可能注意倒我地哩边有班人企定定啤住佢,个头另咗过离,企咗係度,一只手拿咗副乌蝇镜落离……
哇……E个男好冷艳啊……!
佢块面本身已经係白到冇咩血色嗰种,而对眼都好似透明嘅玻璃球咁,个样清秀得离又带D妖妖媚媚,
佢令我捻起咗一个人,就係日本嗰个歌手Gackt吖,中性嘅外表,特别係嗰种神秘嘅气质,
好似以前<美少女战士>里面行踪飘忽,神秘冷傲嘅礼服蒙面俠咁.
哩个时候,我发觉佢对眼凝视住我隔离嘅奈奈咁窝……
-（me)S婆,妳识佢噶?
-（奈)唔识窝…
-（me)做乜佢啤实妳嘅?
-（奈)好似係囖……
-（me)佢行梗过离啊,小心!
嗰个”礼服蒙面俠”一手插住裤袋,一手拿住幅超,向住我地行梗过离,令人有种寒气逼近嘅感觉,
佢行到去奈奈面前,抽咗插係裤袋只手出离,
捧住奈奈块面,个头慢慢靠近,仲……咪埋眼锡咗奈奈块面一啖……!!!
然后佢又插翻住个袋,带住成班人,入咗Toxic间房.
-（me)佢………!!!
我都算间过吓大场面吖,係D bar吖,disco吖嗰地房,男男女女识咗冇几耐就揽埋一旧係度嘴嘅场面我都见过好多次,
就係未见过有D男第一眼见到个女仔声都唔声,就走埋去锡人地,仲要锡完咩都唔讲就走咗…
况且畀人简正做哩D嘢就通常都係D着得好少布,睇上去好opｅn嘅女仔啊,奈奈今日着到咁成熟,又一D都唔算暴露窝…
仲有啊,出得离玩嘅人多数都知奈奈係哩度睇场噶啦,而且佢亲生啊哥边个唔识吖,
E条柚都好大胆姐……
隔离嘅奈奈已经成个呆咗係度啦,仲畀我发现佢少有咁面都红晒添……
-（me)喂~~~奈奈~~~
-（奈)……
-嘘嘘~~醒喇喂!
-吓……?
-妳真係唔识嗰个男架?係咪妳以前去wet嗰阵识,唔记得咗乍?
-冇奶油噶!佢咁类型嘅男我真係未见过啊呢~
-~胆生毛啊条柚,咁离抽妳水!
奈奈摸住块面啱先畀个男锡嘅地方,望住佢行咗入去嗰间房
-（Franky）不如叫Miu爷过离啦,嗰班人睇离唔简单,啱先我见跟係嗰个男人后面有个人揸住个银色大”give”窝!
-（me）emm…奈奈,妳点睇吖?
-（奈）……
-奈奈?
-吓……?
-做咩藕晒咁嘅?我地捻住叫大佬过离吖!
-唔洗啦,大佬Miu行梗入离喇已经.
望过去,果然大佬Miu带住十几条0靓行梗过离
-（M）点啊?柏臣离到未啊?
-（me）柏臣?乜水啊姐係?
-（M）咁啱先除咗Toxic之外仲有冇人带住班0靓入离啊?
-（me）哦~~~锡咗啊奈一啖嗰个!!
大佬Miu望咗望奈奈,然后大笑起离
-哈哈哈哈,佢仲係咁样!
-（me）哇~~~~条柚都好识博懵姐!
-（M）佢係Toxic个侄仔离架,啱係美国翻离.
-（me）怪唔知啦.恃住自己opｅn兼有人撑连奈奈都敢…
-（M）哈哈哈,唔关事嘅又,只衰妹自己着得成熟姐今晚.
-（奈）有咩问题啊?
-（M）柏臣中意D大过佢嘅女人家嘛!
-（me）晕…睇佢自己咪得廿岁咁大把!
-（Franky）痹在奈姐今日睇上去好似大过嗰个柏臣五六年咁呢~
-（M）做咗正经事先,啊Sea,奈奈,妳地跟我入Toxic间房打声招呼!
-（me）吓~~~~~
讲真啊,嗰次畀Toxic班人打嘅阴影仲係度啊……硬係觉得嗰个Toxic阴阴森森,面无表情,但係就心痕手辣咁……
加上我E+同咗Azo一齐,Toxic都冇理由唔知啊,佢又咁睇重Azo,要我面对佢好似好奇怪咁!
最后我都係跟住大佬Miu佢地入咗去喇.佢话,要等嗰个神秘古怪嘅柏臣识吓我地,咁日后做嘢都顺利D窝……
又话嗰个柏臣翻离,Toxic会交好多嘢畀佢做,叫我地好好地同佢相处……
都唔知大佬Miu同Toxic係咪有亲,本身佢地两派人河水不犯井水,各有各捞,
可能E+大佬Miu D势力越离越大,几乎威胁倒一直坐大嘅Toxic,所以佢就捻住同Toxic搞好D关係,间中做吓D”交易”
好过两大班人对立起上离,对大家都冇好处.
哩一晚,嗰个Toxic又係度做笑面虎,笑骑骑放毒蛇,
但奈奈仲话其实Toxic份人都唔係咁恐怖,当然啦,唔发火嗰时啊嘛.
而且对比起成晚用D煽情嘅眼神离”勾引”佢嘅柏臣,Toxic都已经正常好多啦,对于奈奈离讲……
大佬Miu又係不停咁大笑,好豪气嗰种,不时就”干杯”,”饮胜”咁…
对于佢地哩班人,或者包括埋我同奈奈佢地,对住出离行嘅人,每一种笑都有不同嘅含义,
E+嘅我,只係觉得对住佢地好攰好攰……
我觉得大佬Miu随住势力范围嘅扩大,已经变咗好多,
以我觉得大佬Miu随住势力范围嘅扩大,已经变咗好多,
以前,佢係对D兄弟好好嘅大佬,兄弟如手足嗰挺,
但E+佢变得好暴躁,有次我亲眼间倒佢係间黑房度,拧断咗一个做错事嘅兄弟只手……
或者大佬都有佢嘅难处,一个兄弟做错事,就可能连累到其他几十个兄弟陪佢一起死,而其他唔知情嘅人就会话佢冷血,心狠手辣…
仲有嘅係,前一排报纸登话咩黑帮金鹰车祸丧生,嗰个曾经扫过大佬Miu场,逼佢重新出离行嘅金鹰,其实边係车祸咁好彩
我知,係大佬Miu揾人暗中队lum佢嘅……
可能就係细细个嗰阵,大佬同我讲嗰句话咁”对敌人仁慈,下一个死嘅就係你”.
不过好彩,大佬Miu都仲係对我地几个好好,虽然所有嘢都係度不断改变……
Part57
-今次真係唔该晒你啊均惟~
-洗乜咁客气啊~我表姐都经常教隔离屋D妹妹仔弹钢琴噶啦~佢都不知几乐意!
-哈哈哈~~~~~~我惊我D资质仲蠢钝过嗰D妹妹仔啊……
-哈哈哈哈~~~唔会嘅~妳学画画都好快上手啊!
-仲好讲,你记唔记得我画嘅第一幅画,明明係海离噶嘛,佢地班衰嘢就话似煎饼!
-哈哈哈哈哈~~~~
-我捻今次佢地听倒我弹钢琴D声,都会以为我拉梗二胡噶喇……
-哈哈哈哈哈哈哈~~~~
-有冇咁好笑啊?
捻落我同均惟都好耐冇见过喇.
佢睇落精神咗好多,对眼仲係咁明亮有神.不过感觉上,好似比以前成熟咗咁.
或者,我地都不断成长梗挂…
佢仲係好似以前咁,着得好型好0靓仔,姐係一睇落去就知到係跳舞,或者玩滑板咁样,哩方面,佢同Azo就好唔同.
连画画都係,Azo画嘅係扫描啊,油画啊,嗰D好纯粹嘅艺术画.
而均惟呢,就修漫画啦,广告设计啦,之类嗰D弹性大D嘅画咯.
今日我就揾佢帮手叫佢表姐教我弹钢琴,
点解?因为Azo就离生日囖,捻咗咁耐,送畀佢嘅最好礼物就係弹首歌畀佢听!
如果佢听倒钢琴声,应该会有种幸福嘅感觉;而且,畀佢见倒平时扎扎跳,粗粗鲁鲁嘅我学识咗弹钢琴,佢一定会好惊喜嘅!
哦呵呵呵~~~~>_<
连我都不禁要赞吓自己点解咁聪明可以捻倒一份咁嘅生日礼物!
-诗甜…诗甜…!?
-啊…吓?
-做乜自己一个人係度笑啊?
-冇啊~捻倒就离可以学钢琴好开心之嘛!
-係窝,无拉拉做咩学钢琴嘅!唔似妳窝…
-你又想好似Baby仔咁奚落我啊呢……5555……
-顶~唔係啊!想知点解之嘛~
-唔讲啊~~~哦呵呵呵呵~~~
-唔好咁抵死啦妳~~~~睇妳E排好似好开心咁窝!
当然啦~本小姐E+蜜运中啊嘛……不过,哩D嘢係均惟面前係禁忌,唔讲得!
之不过,睇我地E+讲得笑得,佢应该5中意我喇啊嘛……
我又冇理由咁白痴问人”喂~你E+唔中意我噶喇呵?”咁架……
-到喇~表姐间乐器行啊,前面嗰间就係!
-哇~~~~都好大间姐……
係一间好靓嘅乐器行吖…洁白嘅墙上面,有D金色嘅裙边,门口装晒落地玻璃,成间嘢都係宫廷式嘅设计.
之前都听Baby仔讲过话均惟係有钱仔离噶喇,E+咁睇,佢全家人都好有米啊…
透过D玻璃望入去,见倒有个着粉紫色连衣裙,白色圆头高踭鞋嘅女人,坐係柜台度睇梗杂志,嗰个应该係均惟嘅表姐啦!
------------------------------------------------
-表姐~~
-均惟~?你地到咗喇~
-係啊~~表姐妳间嘢真係,落咗车仲要行成三个字先到!
-仲唔快D介绍吓你朋友畀我识.
睇离均惟个表姐几好人窝,一直笑微微咁,好平易近人.
-哩个係我朋友诗甜啊…我表姐,嘉怡.
-（me)嘉怡姐姐~
-（怡)叫我啊怡得架啦~均惟~~~~~你朋友好靓女窝!怪唔知咁好死帮人啦!
-（惟)你咁讲我好难落台噶窝~点做人表姐噶妳!
-（怡)係啊嘛~~~诗甜我同你讲啦~~只衰仔都未试过带女仔翻离畀我地见架,平时D女仔揾佢帮手,佢仲嫌人麻烦添!
-（me)哈哈哈哈~~~~唔係啊嘛~~~
-（惟)妳唔洗听佢讲架!成廿五岁人都大唔透!
-（怡)咩啊!我仲有两个月先到廿五啊!
-（惟)係啊係啊,妳好好享受埋哩两个月,迟D妳就四舍五入,成三十欧啦!
-（怡）哇~~~好彩我间铺E+冇客,唔係我D忠实fan屎都畀你吓走晒啦!
-（惟）妳都有忠实fan屎噶咩~~哦~~我知啦~~上咗叔父年纪嗰D有钱佬啊嘛!
-（怡）你好嘢啊你~~下次去饮茶你睇我话唔话畀你啊妈知,用成千银买个飞机模型!
均惟同佢表姐好搞笑啊,佢地两个都好玩得吖.
嘉怡姐姐睇上去斯斯文文咁,原来好讲得笑,D性格都好得意嘅!
-----------------------------------------
均惟走咗去练舞之后,嘉怡姐姐带我上咗去係乐器行中间嘅一个平台度,嗰度放咗一部好靓嘅白色大钢琴.
-点啊,诗甜,想学边弹边首歌啊?
-er……我都唔知啊,其实我对钢琴真係一窍不通噶!
-不如我弹几首简单D嘅畀妳揀,妳听吓觉得点.
讲完,嘉怡姐姐就换咗个好文静嘅样,好投入咁弹咗起离……
哇……哩D就係所谓简单D嘅歌啊…我晕喇……怪唔知Baby仔话均惟表姐係高人啦~
佢D纤长嘅手指简直好似有魔力咁,灵活自如.弹嗰D节奏快嘅歌嘅时候,仲好似多梗只手指出离咁…十二指琴魔吖……
佢畀我简嗰D歌係咩 巴赫嘅<g小调幻想曲与赋格>,门德尔松嘅<仲夏夜之梦>,贝多芬嘅<第五钢琴协奏曲>
我捻如果我真係学识弹哩D歌,真係可以去参加比赛囖……
-er…嘉怡姐姐啊,哩D太难喇……冇三五七年我都学唔识啊……
-咁吖?不如我畀本琴书妳睇吓啦…
-E+咪有D碟,係D流行歌嘅钢琴版离嘅,妳可唔可以教我嗰D啊?一来嗰D旋律熟晒啦,二来都易学好多啊嘛!
-梗係得啦~~~~好~~~咁妳有咩心水歌?
-emm…捻吓先~~~~啊~!有~~~<天使蓝>吖!
-<天使蓝>?…哦~~~何韵诗嗰首!
-係啊係啊~~~?点啊?难唔难学啊?
-几好啊哩首,改成钢琴版一定好特别,而且好简单噶姐~~
-姐係咁嘅…我个f迟D就生日,我捻住嗰时弹畀佢听嘅,一个星期得唔得啊?
-唔洗,两三个钟就学识啦!
……
唉~~~~~~~~嘉怡姐姐讲嘅两三个钟应该话对于佢离讲乍挂……真係太高估我啦!
我学咗一个钟,终于搞清楚咩係G大调,咩係a小调,又用咗一个钟,搞清楚边个琴键係咩音,
最后嘅一个钟,先学咗<天使蓝>嘅前奏,DD咁多多嘅前奏,仲要弹到窒吓窒吓咁!
好彩嘉怡姐姐冇嫌我钝乍,仲笑微微咁教我!比着我遇到好似自己咁Q蠢嘅学生,都一早发晒猛啦!
真係担心自己一个星期学唔学得识!
净係知道自己以后就有排忙啦!日透就翻学,放咗学就去学钢琴学两三个钟,然后仲要翻Laager Club睇吓!
天啊~~~~~~~~~~
这篇文章~~是一个女孩子发给偶的~`发了给偶好几个月偶一段都没有看过~~哇咔咔
当恶魔の断翼爱上弒神天使时..- -！
强烈要求普通话文版本。。。555555
这个好看。顶你
广东人小时候教写这些字的吗？
饿。。。等我看完的话 我就可以去广东去住了哈哈哈哈
看完了我也不用睡觉,多少字的文章